Спорт

Василий Левит Азия чемпионатының күміс медалін тағудан бас тартты – видео

© Photo : Пресс-служба Казахстанской федерации боксаВасилий Левит на ЧМ-2017 по боксу в Гамбурге
Василий Левит на ЧМ-2017 по боксу в Гамбурге - Sputnik Қазақстан, 1920, 01.06.2021
Жазылу
Василий Левит төрешілердің даулы шешімімен финалда үнді боксшысы Санжитке есе жіберді

НҰР-СҰЛТАН, 1 маусым — Sputnik. Қазақстандық боксшы Василий Левит Дубайда (БАӘ) өткен Азия чемпионатының марапаттау рәсімінде күміс медальды мойнына таққан жоқ, деп хабарлады Sports.kz.

91 килограмға дейінгі салмақ дәрежесінде жұдырықтасқан Левит төрешілердің даулы шешімімен финалда үнді боксшысы Санжитке есе жіберді. Бір қызығы, тіпті AIBA комментаторларының өзі қазақстандықтан жеңісті тартып алғанын атап өтті.

Айта кетейік, 2021 жылғы бокстан Азия чемпионатында Қазақстанның ерлер құрамасы бірде-бір алтын алмады. Василий Левиттен бөлек, Даниял Сәбит, Абылайхан Жүсіпов, Әбілхан Аманқұл және Қамшыбек Қоңқабаев турнирдің күміс жүлдегері атанды, ал Сәкен Бибосынов "қоланы" жеңіп алды.

Жаңалықтар
0