АЛМАТЫ, 17 мамыр – Sputnik. АҚШ-тың Хьюстон қаласында аралас жекпе-жек шебері Николай Веретенников (8-3) жартылай орта салмақтағы Fury Fighting чемпиондық титулын жеңіп алды. Қазақстандық спортшы америкалық Энтони Айвиді (6-4) екі минутта нокаутқа түсірді, деп хабарлады Sports.kz.
Жекпе-жек 17 мамырда жартылай орта салмақта өтті. Осылайша Николай ММА-да тоғызыншы рет жеңіске жетті, ал бұл Айвидің карьерасындағы бесінші жеңіліс ретінде тіркелді.
We have a new @FuryFightingTX Welterweight champion! #FuryFC46 pic.twitter.com/WGhPmtgTj6
— UFC FIGHT PASS (@UFCFightPass) May 17, 2021
Айта кетейік, турнирге UFC президенті Дана Уайт қатысты. Айви бұған дейін оның промоушнында өнер көрсеткен.
Ал қазақстандық спортшы мұның алдындағы жекпе-жек кезінде төрешілердің бірауыздан қабылдаған шешімімен Стив Джонсты (8-2) жеңді.
