НҰР-СҰЛТАН, 25 сәуір – Sputnik. Қазақстандық боксшы Бекзат Нұрдәулетов "Санкт-Петербург губернаторының кубогы-2021" халықаралық турнирінің финалында жұдырықтасты, деп хабарлады Sports.kz.
Финалда Нұрдәулетовтің қарсыласы ресейлік Имам Хатаев болды. Жекпе-жекте төрешілердің бірауыздан шешімімен Нұрдәулетов жеңіске жетті. Қазақстандық боксшы жекпе-жек барысында қарсыласын нокдаунға жіберді (видеоны төменде көруге болады).
Посмотреть эту публикацию в Instagram
Осылайша, қазақстандық өз салмағында турнир чемпионы атанды.
Айта кетейік, Бекзат Нұрдәулетов – 2019 жылғы әлем чемпионатының жеңімпазы. Ал Имам Хатаевқа келетін болсақ, екі рет Ресей чемпионы болды (2019, 2020), сонымен қатар студенттер арасындағы әлем чемпионатында жеңіске жетті (2014).
Толық жекпе-жектің видеосы да жарияланды.
