Спорт

Алты рет нокаутпен жеңген 20 жастағы қазақ боксшысы титулдық жекпе-жекке шығады

© Photo : prosports.kzСадриддин Ахмедов
Садриддин Ахмедов - Sputnik Қазақстан
Жазылу
Қазақстандық әлем чемпионының келесі кездесуінің күні белгілі болды

АСТАНА, 19 желтоқсан — Sputnik. Қазақстандық боксшы Садриддин Ахмедовтың келесі кездесуінің күні жарияланды.

Қазақстандықтың мүддесін қорғайтын Eye of the Tiger Management промоутерлік компаниясы Facebook желісіндегі ресми парақшасында Ахмедовтың келесі жекпе-жегі туралы хабарлады, деп жазады Sports.kz.

Сонымен, оның алдағы кездесуі Монреальде (Канада) 26 қаңтарда өтеді. Қазақстандық боксшының қарсыласының аты әзірге белгісіз, бірақ Садриддиннің WBC "жас" чемпиондық титулы үшін жұдырықтасатыны мәлім.

Естеріңізге сала кетсек, Садриддин Ахмедов 2016 жылы жастар арасындағы әлем чемпионатында жеңіске жеткен. 20 жастағы боксшы орташа салмақ категориясында рингке шығып жүр. Ол кәсіпқой бокстағы алғашқы кездесуін сәуір айында өткізді.

Жалпы кәсіби рингте алты жекпе-жек өткізіп, алтауында да қарсыласын нокаутқа түсірген.

Жаңалықтар
0