АСТАНА, 16 желтоқсан — Sputnik. Мәскеуде өткен кәсіпқой бокс кеші аясында қазақстандық боксшы Ибрагим Ескендір әзірбайжандық Анар Абдуллаевпен кездесті, деп хабарлайды Prosports.kz.
Боксшылар ауыр салмақта (90,7 кг) Pro Box нұсқасы бойынша ТМД чемпионы титулына таласты.
10 раундқа есептелген жекпе-жекте қазақстандық боксшы үш минутта-ақ нокаутпен жеңіске жетті.
Ибрагим Ескендір былтыр желтоқсан айында кәсіпқой бокстағы алғашқы жекпе-жегін өткізген болатын. Ол кезде қырғызстандық қарсыласын екінші раундта нокаутқа түсірді.
Айта кетейік, Ибрагим Ескендірді жұрт әнші әрі музыкант ретінде біледі. Әсіресе "Көк тудың желбірегені" әнінен кейін қазақ қоғамына кеңінен танылды. Бұдан бұрын Ибрагим бірнеше жыл бойы спортпен айналысып, бокстан спорт шеберлігіне кандидат болған.
