АСТАНА, 6 қыркүйек — Sputnik. Бокстан олимпиада чемпионы Данияр Елеусіновтің келесі жекпе-жегі 20 қазан күні АҚШ-тың Бостон қаласында өтеді. Бұл туралы спортшының өзі әлеуметтік желідегі парақшасында хабарлады.
Қазақстандық боксшы Данияр Елеусінов жанкүйерлерімен кезекті жаңалығын бөлісті. Жұрт асыға күтіп жүрген жекпе-жегінің қашан өтетіні белгілі болды.
"Келесі жекпе-жегімді 20 қазанда АҚШ-тың Бостон қаласында өткіземін" деп жазды ол инстаграм желісіндегі парақшасында.
"Қазақ мотодоры" атанған отандасымыздың қарсыласының есімі әзірге белгісіз. Бұл жекпе-жек Деметриус Андраде мен Билли Джо Сондерс арасында WBO нұсқасы бойынша әлем чемпионы титулына таласу кешінің андеркартында өтеді.
Данияр Елеусінов 27 жаста. Орта салмақ дәрежесінде (66,7 килограмм) өнер көрсетеді. Кәсіби бокста үш кездесу өткізіп үлгерді және барлығында жеңіске жетті.
