15:10 20 Қаңтар 2022
Тікелей эфир
  • USD434.48
  • EUR492.61
  • RUB5.68
Қоғам
Қысқа сілтеме алу
7549 0 0

Елде әлеуметтік сала қызметкерлерінің жалақысы кезең-кезеңмен көтеріліп келеді

НҰР-СҰЛТАН, 13 қаңтар – Sputnik. Еңбек және халықты әлеуметтік қорғау министрлігі 2022 жылдың 1 қаңтарынан бастап кімдердің айлығы артқанын хабарлады.

Президенттің тапсырмасымен 2020 жылдан бастап шамамен 600 мың мұғалімнің, ал 2021 жылдан бастап мемлекеттік мекемелер мен коммуналдық кәсіпорындарда істейтін 247 мың медицина қызметкерінің еңбекақысын кезең-кезеңмен арттыру басталды. 2023 жылға қарай олардың жалақысы 2 есе өседі.

"2022 жылдың 1 қаңтарынан бастап педагогтардың жалақысы 25%-ке, медицина қызметкерлерінің жалақысы орта есеппен 20-30%-ке өсті", - делінген хабарламада.

Сондай-ақ, әлеуметтік қамсыздандыру саласында 21 мың қызметкердің лауазымдық еңбекақысы 25%-ке артты. Атап айтқанда, өз қызметін стационарлық және жартылай стационарлық үлгідегі медициналық-әлеуметтік мекемелерде, үйде қызмет көрсету ұйымдарында, уақытша болу ұйымдарында және жұмыспен қамту орталықтарында жүзеге асыратын басшы құрам мен негізгі персоналдың (әлеуметтік қызметкерлер, педагогтар, медицина қызметкерлері және т.б.) қалтасы қалыңдады.

Оқи отырыңыз: Тоқаев әкімдер мен депутаттарға ұнамайтын шешім қабылдады

Еске салсақ, былтыр әлеуметтік қызметкерлердің жалақысы 50%-ке ұлғайды.

Бұған дейін хабарланғандай, биыл 1 қаңтардан бастап азаматтық қызметшілердің жекелеген санаттарының жалақысын кезең-кезеңмен арттыру басталды. Нәтижесінде төрт жыл жыл ішінде 591 мың адамның жалақысы екі есе көтеріледі.

Кілт сөздер:
мұғалімдер, дәрігерлер, жалақы
Загрузка...

Басты тақырып