Қазақстан тағы 5 мемлекеттің вакциналау паспортын мойындады
07:00 09.12.2021 (жаңартылды: 13:05 01.02.2022)
© AFP 2024 / CHAIDEER MAHYUDDIN
Жазылу
Қазақстанның вакциналау паспортын әлемнің 21 мемлекеті мойындаған, ал Қазақстан үшін вакциналау құжаты жарамды елдер қатары тағы 4 мемлекетпен толықты
АЛМАТЫ, 8 желтоқсан – Sputnik. Қазақстан тағы бес шет мемлекеттің вакциналау паспортын мойындады, делінген бас мемлекеттік санитар дәрігердің хабарламасында.
Осылайша Қазақстанда вакциналау паспортын мойындаған елдер қатарына Канада, Армения, Черногория, Чехия және Жапония қосылды.
Бұған дейін Қазақстан мен Индонезияның вакциналау паспорттарын өзара мойындайтыны хабарланды.
Қазірге дейін Қазақстан үшін 25 елдің вакциналау паспорты жарамды:
- Аргентина
- Армения
- Беларусь
- Венгрия
- Грузия
- Иран
- Иордания
- Индонезия
- Канада
- Қырғызстан
- Мальдив
- Молдова
- Моңғолия
- Перу
- Сан-Марино
- Сербия
- Тунис
- Үндістан
- Тайланд
- Түркия
- Филиппин
- Черногория
- Чехия
- Эстония
- Жапония
Сонымен қатар қазақстандық вакциналау паспортын әлемнің 21 елі мойындайды: Аргентина Республикасы, Венгрия, Грузия, Иран Ислам Республикасы, Индонезия, Иордания, Қырғыз Республикасы, Мальдив Республикасы, Моңғолия, Армения Республикасы, Беларусь Республикасы, Молдова Республикасы, Перу Республикасы, Сан-Марино Республикасы, Сербия Республикасы, Тунис Республикасы, Үндістан Республикасы, Филиппин Республикасы, Таиланд, Түркия Республикасы және Эстония Республикасы.
