НҰР-СҰЛТАН, 30 қараша – Sputnik. Денсаулық сақтау бірінші вице-министрі Марат Шоранов қанша адам ревакцинация жасағанын айтты, деп хабарлайды Sputnik Қазақстан тілшісі.
"Бүгінгі күні ревакцинация жасаған адамдардың саны 9 412 адамды құрады", - деді Шоранов үкімет отырысында.
Вице-министр коронавирусқа қарсы ревакцинация 22 қарашада басталғанын еске салды.
Ревакцинация екі кезеңде өтеді.
Бірінші кезеңде:
- медицина қызметкерлері, педагогтар, медициналық-әлеуметтік мекемелердің және жабық балалар мекемелерінің персоналы мен контингенті, күш құрылымдарының қызметкерлері;
- 60 жастан асқан адамдар;
- өз бетінше зерттеуден өткен және антиденелерге теріс нәтижесі бар адамдар.
Екінші кезеңде:
- вакцинацияны екі дозамен аяқтаған адамдар қамтылады.
Оқи отырыңыз: Мамин вакциналау жайлы: ұжымдық иммунитет үшін әлі жеткіліксіз
