НҰР-СҰЛТАН, 8 қараша – Sputnik. 2022 жылдың қаңтарынан бастап педофилдерге электронды білезік тағылады. Бұл туралы ішкі істер министрі Ерлан Тұрғымбаев мәлімдеді, деп хабарлайды Sputnik Қазақстан тілшісі.
Ол пробациялық бақылауды дамыту үшін электронды білезіктер енгізіліп жатқанын атап өтті.
"Биыл біз пилот ретінде осы жұмысты бастаймыз. Бірінші кезекте 2022 жылдың 1 қаңтарынан бастап электронды білезіктер педофилдерге тағылады", - деді Тұрғымбаев мәжілісте өткен үкімет сағатында.
Министр Қазақстанда зорлық-зомбылық үшін қылмыстық жауапкершілік қатаңдатылғанын еске салды. Енді осы қылмыс үшін сотталғандарға мерзімінен шартты түрде босату және рақымшылық шаралары қолданылмайды.
Былтыр жазда ішкі істер министрі Ерлан Тұрғымбаев министрлік сотталғандарға электронды білезік сатып алмайтынын мәлімдеген еді. Ол электронды білезіктер өте қымбат екенін, ал сотталғандарды қосымша арқылы бақылауға болатынын айтты.
Оқи отырыңыз:
- Оралда өгей қызын зорлаған педофилдің анасы кінәні келініне жапты
- 32 педофил бостандыққа шығады – депутат алаңдаушылық білдірді
-
"Көршілер педофилді ұстады": полиция желіде тараған видеоға түсініктеме берді
