Қоғам

Алматыға 1005 жыл: оңтүстік астана тұрғындары қала күнін қалай атап өтеді

© Sputnik / Тимур БатыршинЦветущие маки близ Алматы
Цветущие маки близ Алматы - Sputnik Қазақстан, 1920, 19.09.2021
Жазылу
Биыл Алатаудың баурайындағы Алматы шаһарына ресми түрде 1005 жыл толды. Алматылықтар қала күнін қыркүйектің үшінші жексенбісінде дәстүрлі түрде атап өтеді

АЛМАТЫ, 19 қыркүйек — Sputnik. Эпидемиологиялық жағдайға байланысты Алматы тұрғындары биыл да қала күнін онлайн-режимде атап өтеді. 

Дәстүрлі түрде қала күнінде мегаполисте көрмелер, концерттер және басқа да мәдени-бұқаралық және спорттық іс-шаралар өтетін еді. Алайда коронавирус инфекциясына байланысты былтырдан бері іс-шараның басым бөлігі онлайн форматта ұйымдастырылады.

Әуелі әкімдік  бірқатар бұқаралық іс-шараны офлайн өткізуді жоспарлаған болатын. Оның ішінде Медеудегі баспалдақпен көтерілу, Алматы марафон веложарысы және ALMATY URBAN FEST 2021 бар. Бірақ кейінірек санитарлық-эпидемиологиялық бақылау департаменті бұған тыйым салынғанын жеткізді.

© Sputnik / Тимур БатыршинАлматы
Алматыға 1005 жыл: оңтүстік астана тұрғындары қала күнін қалай атап өтеді - Sputnik Қазақстан, 1920, 19.09.2021
Алматы

Мәдениет басқармасының хабарлауынша, 19 қыркүйек сағат 19.00-де Алматы телеарнасының эфирінде қала күнін мерекелеуге арналған "Алматы талант" киноконцерті өтеді.

19-21 қыркүйек аралығында Алматы телеарнасының эфирінен қала бойынша интеллектуалды квест ойынын және "Алматы – менің сүйікті қалам" қала кітапханаларын көруге болады. Шараға қазақстандық танымал адамдар қатысады.

20 қыркүйекте онлайн форматта қазақстандық жас фотографтардың "Алматы – Тәуелсіздіктің алтын бесігі" фотокөрмесі өтеді.

20, 21, 26 қыркүйек күндері Алматы қаласы музейлер бірлестігінің әлеуметтік желі парақшасында "Алматы менің жүрегімде" онлайн концерті ұйымдастырылады.

© Sputnik / Тимур БатыршинБотаникалық бақ
Алматыға 1005 жыл: оңтүстік астана тұрғындары қала күнін қалай атап өтеді - Sputnik Қазақстан, 1920, 19.09.2021
Ботаникалық бақ

24 қыркүйекте Сәбит Мұқанов пен Ғабит Мүсіреповтың әдеби-мемориалдық музей кешенінің әлеуметтік желі парақшасында Қазақстан Жазушылар одағымен бірлесіп ұйымдастырылған "Қала және қаламгер" көшпелі фотокөрмесі өтеді.

18-21 қыркүйек аралығында Алматы әуендері (almaty_ayenderi) әлеуметтік желі парақшасында қазақстандық танымал адамдардың қатысуымен "Күзгі әуен" және "Ару қала – Алматы" онлайн концерті өтеді.

Жаңалықтар
0