10:01 27 Қыркүйек 2021
Тікелей эфир
  • USD423.91
  • EUR497.37
  • RUB5.82
Қоғам
Қысқа сілтеме алу
50 0 0

Тоқаев су үнемдеу технологияларын енгізу ісін ынталандыру және су саласын цифрландыру қажет екенін атап өтті

НҰР-СҰЛТАН, 13 қыркүйек – Sputnik. Мемлекет басшысы Қасым-Жомарт Тоқаев экология, геология және табиғи ресурстар министрі Серікқали Брекешевті қабылдады, деп хабарлайды Ақорданың ресми сайты.

Қасым-Жомарт Тоқаевқа министрліктің алдағы уақыттағы жоспарлары және президенттің халыққа Жолдауында берген тапсырмаларының орындалуы туралы баяндалды. 

Атап айтқанда, Серікқали Брекешев мемлекет басшысына Ұлттық геологиялық қызмет құруға қатысты жұмыстар, "Минералдық ресурстардың ұлттық деректер банкі" ақпараттық жүйесінің әзірленуі жөнінде мәлімет берді.

Оқи отырыңыз: Тоқаев сыбайлас жемқорлыққа қарсы қызмет басшысына тапсырма берді 

Президентке су шаруашылығын дамыту жөніндегі тапсырмаларының орындалу барысы туралы баяндалды. Министрдің айтуынша, бес жылдың ішінде суару желісінің кемінде 120 арнасы қалпына келтіріліп, жалпы көлемі 1,7 миллиард текше метр болатын жаңадан тоғыз су қоймасы салынады.  

Қасым-Жомарт Тоқаев су үнемдеу технологияларын енгізу ісін ынталандыру және су саласын цифрландыру қажет екенін атап өтті. 

Кездесу барысында атмосфералық ауаның ластануын азайту бағытында қабылданып жатқан шараларға ерекше мән берілді. Ведомство басшысының айтуынша, экологиялық жағдайды жақсарту мақсатында аймақтар бойынша жол карталары бекітіліп, "Жасыл Қазақстан" ұлттық жобасы әзірленді және кәсіпорындармен бірқатар меморандумға қол қойылды. Аталған құжаттар қалдықтардың көлемін 20-дан 30 пайызға қысқартуға мүмкіндік береді.

Кездесу соңында мемлекет басшысы жаңадан тағайындалған министрге бірқатар нақты тапсырма берді.

Загрузка...

Басты тақырып