10:38 27 Қыркүйек 2021
Тікелей эфир
  • USD423.91
  • EUR497.37
  • RUB5.82
Қоғам
Қысқа сілтеме алу
Әскери бөлімдегі жарылыс (76)
256 0 0

Мемлекет басшысы жаңа министрдің білімі мен тәжірибесі қарулы күштерге жүктелетін міндеттерді орындауға септігін тигізетініне сенім білдірді

НҰР-СҰЛТАН, 31 тамыз - Sputnik. Қасым-Жомарт Тоқаев қорғаныс министрлігінің басшылық құрамымен кездесу өткізіп, жаңадан тағайындалған министр Мұрат Бектановты таныстырды.

Мемлекет басшысы жаңа министрдің білімі мен тәжірибесі қарулы күштерге жүктелетін міндеттерді орындауға септігін тигізетініне сенім білдірді, деп жазды Ақорда.

Президент Арыс пен Жамбыл облысының Байзақ ауданындағыдай төтенше оқиғаларға жол бермеудің аса маңызды екеніне тоқталды. Бұл ретте Жоғарғы Бас қолбасшы оқ-дәрілер қоймаларындағы қауіпсіздікті қамтамасыз ету жөнінде берген тапсырмасын әскерилердің есіне салып, бұл бағытта бірқатар жұмыстар жасалғанын, дегенмен әлі де шешімін күткен түйінді мәселелердің бар екенін атап өтті.

Мемлекет басшысы оқ-дәрі сақтайтын барлық қоймаларда және басқа да қару-жарақ сақтайтын жерлерде қауіпсіздікті қамтамасыз ету жөнінде түбегейлі шешім қабылдауды, сондай-ақ елді мекендерден алыс жерде оқ-дәрі сақтайтын замануи қоймалар салу жұмыстарын жылдамдатуды тапсырды. Бұған қажетті қаражат "Қауіпсіз ел" ұлттық жобасынан қарастырылуы тиіс.

Қасым-Жомарт Тоқаев қарулы күштерін дамытудың 2030 жылға дейінгі тұжырымдамасын толықтай жүзеге асыру қажет екеніне, әскери қауіпсіздіктің сын-қатерлеріне шұғыл әрекет ету үшін басқару органдарының дайындық іс-шараларын жалғастыра беруге назар аударды.

Президент Қарулы күштерді жабдықтау бойынша міндеттемелерді орындау барысында отандық қорғаныс өнеркәсібі кешенімен келісіп жұмыс істеуді тапсырды. Сонымен қатар офицерлер мен келісім-шарт бойынша алынатын қызметкерлерге сапалы дайындық жүргізуді қамтамасыз етуге, офицерлер мен генералдар қатарында сыбайлас жемқорлыққа жол бермеуге шақырды.

Отставкаға кеткен бұрынғы министр Нұрлан Ермекбаев сөз сөйлеп, Жамбыл облысының Байзақ ауданында болған қайғылы оқиғадан қаза тапқандардың ағайын-туысынан және зардап шеккендерден кешірім сұрады.

Тақырып:
Әскери бөлімдегі жарылыс (76)

Тақырып бойынша

"Жарылатын зат жоқ деді": министр Ильин өрт сөндірушінің сөзіне түсініктеме берді
"Түнде болса, қашып үлгермейтін едік": оқиға куәгерлері Тараз маңында не болғанын айтты
Министр оқ-дәрі қоймасындағы жарылыс жайлы: тротил Арыстан әкелінген жоқ
Бірнеше метрге ұшып кетті: Тараз маңындағы жаралыс кезінде түсірілген видео жарияланды
Тараз түбіндегі үйдің маңында снарядтар үйіліп жатыр: министрлік түсініктеме берді
Кілт сөздер:
министр, отставка, Нұрлан Ермекбаев
Загрузка...

Басты тақырып