НҰР-СҰЛТАН, 29 шілде – Sputnik. Қазақстанда бір тәуліктің ішінде коронавирус пен ковидтік пневмониядан 97 адам қайтыс болды, деп хабарлады денсаулық сақтау министрлігі.
Ресми мәліметке сәйкес, қайтыс болған 81 адамнан коронавирус табылса, 16 науқас ковидтік пневмониямен ауырған. Жалпы, осы уақытқа дейін Қазақстанда 5 700 пациент коронавирус инфекциясынан және 3 676 адам ковидтік пневмониядан көз жұмды.
Жеті жарым мыңға жуық науқас тіркелді – ковид рекорды тағы жаңарды
29 шілдедегі жағдай бойынша коронавирус инфекциясынан жалпы 90 767 адам емделіп жатыр. Олардың ішінде 88 495 адамның диагнозы ПТР-тестпен расталды. Ал 2 272 адам тест теріс нәтиже көрсетсе де, ковидтік пневмония анықталып отыр. Қазіргі кезде 25 714 пациент стационарда, 65 053 науқас амбулаториялық деңгейде, яғни үйде ем қабылдап жүр.
КВИ+, КВИ- шалдыққандардың арасында:
- 1573 адамның жағдайы ауыр;
- 332 пациенттің жағдайы өте ауыр;
- 154 науқас жасанды тыныс алдыру аппаратында жатыр.
