Қоғам

21 шілдеде телеарналар мен радиолар хабар таратуды уақытша тоқтатады

© Sputnik / Тимур Батыршин Sector X - радиостанция со слабовидящими ведущими
 Sector X - радиостанция со слабовидящими ведущими - Sputnik Қазақстан, 1920, 14.07.2021
Жазылу
Бұл жұмыстар телерадио хабарларын сапалы таратуды қамтамасыз ету үшін қажет. Ал тоқсан сайынғы жоспарлы профилактикалық жұмыстар сервисті ұзақ уақыт өшіруге мүмкіндік береді

АЛМАТЫ, 14 шілде – Sputnik. 21 шілдеде Қазақстанның барлық аумағында телерадио хабар тарату уақытша тоқтатылады, деп хабарлады ақпарат және қоғамдық даму министрлігінің баспасөз қызметі.

"2021 жылдың 21 шілдесінде сағат 03.00-17.00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы профилактикалық жұмыстар жүргізіледі. Бұл уақытта Қазақстанның барлық аумағында телерадиоарналарды ретрансляциялау уақытша тоқтатылады", - делінген ақпаратта.

Айта кетейік, "Қазтелерадио" АҚ тоқсан сайын жоспарлы профилактикалық жұмыстар жүргізеді.
Бұл жұмыстар телерадио хабарларын сапалы таратуды қамтамасыз ету үшін қажет. Ал тоқсан сайынғы жоспарлы профилактикалық жұмыстар сервисті ұзақ уақытқа өшіруге мүмкіндік береді. Сондықтан осы уақыт ішінде техникалық құралдарды жаңғырту бойынша қосымша жұмыстар да жүзеге асырылады.

"Қазтелерадио" АҚ – Қазақстандағы теле және радиохабар тарату саласындағы ұлттық оператор.

Жаңалықтар
0