НҰР-СҰЛТАН, 1 шілде – Sputnik. Қазақстанда ауыр салмақты көліктер үшін уақытша шектеулер енгізілді, деп хабарлайды Sputnik Қазақстан индустрия және инфрақұрылымдық даму министрлігіне сілтеме жасап.
"Жазғы уақытта ауа температурасы 25 градустан жоғары болған кезде осьтік жүктемесі 8 тоннадан асатын көлік қозғалысына уақытша шектеулер жыл сайын енгізіліп отырады", - дейді министрлік мамандары.
Биыл солтүстік аймақтарда шектеулер 1 маусымнан 15 тамызға дейін жалғасады. Ақмола, Ақтөбе, Шығыс Қазақстан, Батыс Қазақстан, Қарағанды, Қостанай, Павлодар және Солтүстік Қазақстан облыстарында шектеулер 11:00 - 21:00 аралығында сақталады.
Бұдан бөлек, Алматы, Атырау, Жамбыл, Қарағанды, Қызылорда, Маңғыстау және Түркістан облыстарында 1 маусым мен 31 тамыз аралығында сағат 10:00-ден 22:00-ге дейін ауыр салмақты көліктердің қозғалысы шектеледі.
Шектеу қандай көліктерге қатысты емес
- халықаралық келісімдерге сәйкес жүк пен жолаушы тасымалдайтындар;
- төтенше жағдайды жою және алдын алу жөніндегі іс-шаралар жүргізетіндер;
- зардап шеккен адамдарға гуманитарлық көмек көрсететіндер;
- тез бүлінетін азық-түлікті тасымалдайтын көліктер;
- жолаушылар мен багаж тасымалдайтындар;
- дәрі-дәрмек тасымалдаумен айналысатындар;
- жол-құрылыс жұмысына қажет автокөліктер.