НҰР-СҰЛТАН, 6 мамыр – Sputnik. Денсаулық сақтау министрлігі Қазақстан өңірлеріндегі эпидемиологиялық жағдайды бағалау матрицасын жаңартты.
Шымкент "қызыл" аймақтан шығып, Маңғыстау "жасыл" аймақтан "сарыға" орын ауыстырды.
Қазақстан тұтастай алғанда коронавирус инфекциясының таралуы бойынша "сары" аймақта тұр.
6 мамырдағы жағдай бойынша:
- "қызыл" аймақта - Нұр-Сұлтан, Алматы, Ақмола, Жамбыл, Батыс Қазақстан, Қарағанды, Павлодар облыстары;
- "сары" аймақта - Шымкент, Алматы, Атырау, Ақтөбе, Шығыс Қазақстан, Қызылорда, Маңғыстау облыстары;
- "жасыл" аймақта - Түркістан, Қостанай және Солтүстік Қазақстан облыстары.
Еске сала кетейік, өңірдің қай аймақта орналасқанына қарай бизнес, әлеуметтік және діни нысандардың жұмыс істеу ережесі өзгереді.
Соңғы тәулікте Қазақстанда COVID-19 жұқтырған 2 443 науқас тіркелді. Жалпы республика бойынша 334 812 адамның ауырғаны ПТР-тест арқылы расталды.
