НҰР-СҰЛТАН, 19 сәуір — Sputnik. Ұлыбританияның ұлттық денсаулық сақтау қызметі халық арасында кеңінен қолданылатын парацетамолдың зиянын анықтады, деп хабарлайды Sputnik Қазақстан Express порталына сілтеме жасап.
Зерттеуге сәйкес, парацетамолды сәл көп ішіп қойса да, жанама әсерін байқауға болады. Ондайда адамның жүрегі айнып, құсқысы келеді. Мамандардың айтуынша, дәл осы симптомдар бірнеше сағаттың ішінде шыға бастайды. Ал парацетамолды артығымен ішудің кесірінен бауыр зақымданады.
"Бұдан бөлек, адам парацетамолды көп ішсе, ұйқысы келеді, сары ауруға шалдығады. Сосын іштің жоғары жағында ауырсыну пайда болады", - дейді мамандар.
Оқи отырыңыз: Адамдар жиі ішетін дәрінің салдары ауыр болатыны анықталды
Айта кетейік, Қазақстанда коронавирусқа қарсы медициналық препараттар тегін беріледі. Оның ішінде парацетамол да бар. Бұдан бөлек, "Ибупрофен", "Ривароксабан", "Апиксабан" мен "Дабигатран" қарастырылған. Бірақ осы препараттарды алу үшін дәрігердің нұсқауы болуы қажет.
