05:07 17 Маусым 2021
Тікелей эфир
  • USD425.63
  • EUR515.99
  • RUB5.92
Қоғам
Қысқа сілтеме алу
COVID-ке қарсы вакцина (221)
230 0 0

Сәуірді соңында "QazVac" вакцинасы "СК-Фармация" компаниясының қоймаларына жеткізіледі. Сол жерден жан-жаққа таратылады

НҰР-СҰЛТАН, 14 сәуір – Sputnik. Отандық "QazVac" вакцинасы сәуірдің соңында халыққа қолжетімді болады. Бұл туралы биологиялық қауіпсіздік проблемалары ғылыми-зерттеу институтының бас директоры Күнсұлу Закарья мәлімдеді, деп хабарлайды Sputnik Қазақстан тілшісі.

"Сәуір айының соңында біздің вакцина "СК-Фармацияның" қоймаларына жеткізіледі. Сол жерден жан-жаққа таратылады. Яғни, сәуір айының соңғы күндері немесе келесі айдың басында вакцина егілуге беріледі", – деді Закарья орталық коммуникациялар қызметінде өткен онлайн брифингте.

Осы орайда институт басшысы отандық вакцинаны күтіп жүрген азаматтарға өз алғысын білдірді.

"Отандық вакцинаны алуға ниет білдірген азаматтарға көп рақмет айтамыз. Олар қазақстандық вакцинаны, қазақстандық ғалымдарды қолдап отыр. Дегенмен мен ешкімді үгіттей алмаймын. Адамдар қай вакцинаны алатынын өздері шешеді", – деп атап өтті Закарья.

Ал білім және ғылым вице-министрі Мирас Дәуленов отандық "QazVac" вакцинасын клиникалық зерттеуден өткізу тәртібін түсіндіріп берді. Оның айтуынша, зерттеудің үшінші кезеңі 9 шілде күні толығымен аяқталады. Одан кейін денсаулық сақтау министрлігі барлық құжатты зерделеп, вакцинаны жаппай шығаруға шешім қабылдайды. Дегенмен үшінші кезеңнің жартысына келгенде вакцинаны медициналық мақсатта пайдалануға болады. Ол уақыт 15 сәуірге келіп тұр.

Оқи отырыңыз: Дәрігер коронавирусқа қарсы вакцинаның қандай жанама әсер болатынын айтты 

"Негізі, бұл – әлемдік тәжірибе. Көптеген мемлекет клиникалық зерттеудің үшінші кезеңін аяғына дейін жеткізбей, жартысына келгенде вакцинаны медициналық мақсатта шығаруға кірісіп жатады. Жалпы бүгінде клиникалық зеттеудің үшінші кезеңін толығымен аяқтаған бірде-бір вакцина жоқ", – деді Дәуленов.

Айта кетейік, QazVac-тың алғашқы партиясы биологиялық қауіпсіздік проблемалары ғылыми-зерттеу институтының өзінде жасалды. Көлемі – 50 мың дана. Алдағы уақытта отандық вакцинаны Түркия кәсіпорындарында көптеп шығару жоспарланып отыр.

Тақырып:
COVID-ке қарсы вакцина (221)

Тақырып бойынша

Мамин президентке ай сайын 2 миллион адамға вакцина салынатынын айтты
Нұр-Сұлтандағы сауда орталығында коронавирусқа қарсы вакциналау басталды
Алматыда ақпаннан бері қанша адам коронавирусқа қарсы вакцина салдырды
Денсаулық министрі күзге қарай COVID-ке қатысты жағдай қалай өзгеретінін айтты
Вакцина салдырған соң бетпердесіз жүруге бола ма – сарапшы пікірі
Кілт сөздер:
коронавирус, вакцина
Загрузка...

Басты тақырып