17:49 09 Мамыр 2021
Тікелей эфир
  • USD426.99
  • EUR514.35
  • RUB5.72
Қоғам
Қысқа сілтеме алу
113 0 0

Елімізде ауылда тұрғын үй салу тетігін енгізу ұсынылды.  Ауылдағы қызметкерлер үшін тұрғын үй салу кезінде жұмыс берушілердің шығындарын субсидиялау қарастырылуда

НҰР-СҰЛТАН, 14 сәуір — Sputnik. Индустрия және инфрақұрылымдық даму вице-министрі Қайырбек Өскенбаев ауылда салынатын үйлердің құрылыс шығындарын өтеу тәртібін түсіндірді, деп хабарлайды Sputnik Қазақстан тілшісі.

"Ауылда тұрғын үй салу тетігін енгізу ұсынылады. Оған сәйкес, ауылдағы қызметкерлер үшін тұрғын үй салу кезінде жұмыс берушілердің шығындарын 50 процентке субсидиялау қарастырылған", - деді орталық коммуникациялар қызметінде өткен онлайн брифингте.

Оның айтуынша, жұмыс беруші алдымен ауылға қажетті мамандарды анықтайды. Сосын тізімін жергілікті әкімдікке береді. Ал әкімдік оны индустрия және инфрақұрылымдық даму министрлігіне көрсетеді. Орталық мемлекеттік орган рұқсат бергеннен кейін үй салуға болады. Артынан құрылысқа кеткен шығындардың жартысы қайтарылады.

Оқи отырыңыз: Әркім қалтасына қарай баспана алады - министрлік жаңа заң әзірлеп жатыр

Талапқа сәйкес, үйдің ауданы 100 шаршы метрден, ал бағасы 10 миллион теңгеден аспауы қажет. Еңбек шарты 5 жылға рәсімделуі шарт. Осы уақыттың ішінде ауылға барған маман үйдің 50 процентін өтеп, оны өз атына аудара алады.

Бүгінде республика бойынша 76 ауданның әкімдігі министрлікке ұсыныс жіберді. Әзірше, 3 мыңға жуық коттедж салу қажет. Оған республикалық бюджеттен 14,3 миллиард теңге керек болады.

Тақырып бойынша

Қазақстанда тұрғын үй қымбаттамауы үшін құрылыс шығындарына лимит қойылды
"Халық уайымдамасын": министрлік жұрт жиі қоятын сұраққа жауап берді   
Қазақстанда 12 600 отбасы арендалық баспанамен қамтылады
"Ешкім бере алмайды": вице-министр баспана сұрап, бас көтеретін аналарға жауап берді
Кілт сөздер:
ауыл, тұрғын үй
Загрузка...

Басты тақырып