НҰР-СҰЛТАН, 12 сәуір — Sputnik. Ақмола облысында Бурабай аудандық тұрғын үй-коммуналдық шаруашылығы бөлімінің бұрынғы басшысы 8 жылға сотталды. Ол жол құрылысына бөлінген бюджет қаржысын жымқырған, деп хабарлайды Sputnik Қазақстан.
"Мусин Ақмола облысының Бурабай ауданында тұрғын үй-коммуналдық шаруашылығы, жолаушылар көлігі, автомобиль жолдары мен тұрғын үй инспекциясы бөлімінің басшысы қызметін атқарып жүргенде қызметтік өкілеттілігін пайдаланып, бюджет қаражатын басқаруға құқығы бар екенін біле тұра, алдын ала сөз байласу арқылы жол жөндеуге бөлінген бюджет қаржысын аса ірі көлемде жымқырған", - делінген ҰҚК Ақмола облысы бойынша департаментінің ресми хабарламасында.
Сотқа дейінгі тергеу кезінде Мусиннің қылмысы дәлелденді. Ал Ақмола облысының аппеляциялық сот алқасы бірінші истанцияның шешімін өзгеріссіз қалдырды. Сот үкімі заңды күшіне енді.
