17:22 09 Мамыр 2021
Тікелей эфир
  • USD426.99
  • EUR514.35
  • RUB5.72
Қоғам
Қысқа сілтеме алу
COVID-ке қарсы вакцина (194)
6567 0 0

Денсаулық сақтау министрі вакциналаудың вирус таралуын азайтудың әрі толық локдаунға оралмаудың жалғыз жолы екенін атап көрсетті

НҰР-СҰЛТАН - 10 сәуір, Sputnik. Алдағы күндері коронавирусқа қатысты жағдайдың тұрақталуы екіталай, ал вакцина әсері күзге жақын байқала бастайды, деп мәлімдеді денсаулық сақтау министрі Алексей Цой.

"Жағдайдың таяу күндері немесе тіпті бір айда өзгеретінін күтудің қажеті жоқ. Азаматтардың басым бөлігі 2-3 ай ішінде вакцина алғаннан кейін эпидемиологиялық жағдайдың саябырсығанын сезетін боламыз. Вакцинация, әрине, өз әсерін береді, бірақ бұл ұжымдық иммунитет пайда болған кезде, шамамен күзге жақын болады", - деді Алексей Цой "Қазақпарат" агенттігіне берген сұхбатында.

Денсаулық сақтау министрлігінің басшысы толық локдаунға, қалаларды жабу сияқты шараларға қайта жүгінгісі келмейтінін алға тартты. 

"Қатаң шаралар әрқашан тиімді екені сөзсіз. Оларға оралсақ, жағдайды тезірек өзгерткен болар едік. Бірақ айтарлықтай зардап шеккен бизнестің және жалпы экономиканың мүдделерін ескере отырып, инфекцияның таралу тізбегін ішінара бұзуға мүмкіндік беретін тепе-теңдікті тапқандаймыз. Алайда, оның әсері толық локдауннан гөрі баяу сезілуде", - деді министр.

Оқи отырыңыз: Ораза кезінде вакцина салдыруға бола ма – дәрігерлер кеңес берді

Ол вакцинация - вирустың таралуын тежеудің жалғыз әдісі екенін баса айтты.

Сондай-ақ ол вакциналаудың зияны туралы жалған мәліметтерге сенбеуге шақырды.

"Ресми мәліметтерге сәйкес, вакцина алғандардың 0,8%-де катаралды синдром, дене температурасының көтерілуі, ине салған жердің ауырсынуы тәрізді реакциялар байқалады. Бірақ келесі күні олардың ізі де қалмайды. Екпеге байланысты басқа реакция расталмады", - деді Цой.

Қазақстанда халықты жаппай вакциналау сәуір айында басталды. Бүгінгі күні 275 мың азамат вакцина алды.

Тақырып:
COVID-ке қарсы вакцина (194)

Тақырып бойынша

Нұр-Сұлтандағы сауда орталығында коронавирусқа қарсы вакциналау басталды
Нұр-Сұлтан мен Алматыда қанша адам вакцинадан бас тартты
Нұр-Сұлтанда қай сауда орталығында вакцина салу пункті ашылатыны белгілі болды
Түркия қазақстандық вакцинаны шығаруға көмектеседі – Тоғжанов
Кілт сөздер:
вакцина, Денсаулық сақтау министрлігі
Загрузка...

Басты тақырып