22:41 21 Сәуір 2021
Тікелей эфир
  • USD429.76
  • EUR518.16
  • RUB5.64
Қоғам
Қысқа сілтеме алу
Рамазан - 2021 (17)
1274 0 0

Рамазан айында ауыз бекіткеннен кейін вакцина салуға да, ПТР-тест тапсыруға да болады, деп атап өтті Ершат қажы Оңғар

НҰР-СҰЛТАН, 8 сәуір — Sputnik. Бас мүфтидің орынбасары Ершат қажы Оңғар ораза кезінде коронавирус жұқтырып алған жағдайда дәрігерден кеңес алу қажеттігін мәлімдеді, деп хабарлайды Sputnik Қазақстан тілшісі.

"Бақара" сүресінде ауырып қалған және жолда жүрген адамдар оразаны артынан ұстаса да болады деп жазылған. Сондықтан коронавируспен ауырып қалсаңыз, дәрігердің айтқанын бұлжытпай орындауыңыз қажет", - деді Оңғар орталық коммуникациялар қызметінде өткен онлайн брифингте.

Осы орайда наиб мүфти былтырғы оразаның қазасын өтеу тәртібін де түсіндірді.   

"Егер былтырғы оразаның қазасын ұстап үлгермесеңіз, ешнәрсе етпейді. Биылғы оразаға ниет етіп, ауыз бекітуге болады. Бірақ ораза өткеннен кейін былтыр қаза болған күндерді өтеу керек", - деп түсіндірді Оңғар.

Оның айтуынша, ауыз бекіткеннен кейін вакцина салуға да, коронавирусқа қарсы ПТР-тест тапсыруға да болады.

"Шариғат ораза кезінде ине салуға рұқсат береді. Одан ораза бұзылмайды. Сол сияқты ПТР-тест оразаны бұзбайды. Өйткені тест құрғақ күйінде тамақтан және мұрын қуысынан алынады. Ішке қарай ешқандай дәрі, сұйықтық өтпейді", - деді наиб мүфти.

Рамазан-2021: жұма, тарауық пен ауызашар өткізу тәртібі жарияланды 

Айта кетейік, 2021 жылы қасиетті Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні. Ал 13 мамыр Ораза айттың бірінші күні болады.

Тақырып:
Рамазан - 2021 (17)

Тақырып бойынша

Қазақстанның Бас мүфтиі халыққа үндеу жолдады
Рамазан–2021: Мүфтият ораза кестесін жариялады
Биылғы пітір садақаның мөлшері анықталды
Рамазан - 2021: Ораза кестесі
Кімдер пітір садақаны мөлшерінен артық береді – мүфтият жауап берді
Кілт сөздер:
коронавирус, ораза
Загрузка...

Басты тақырып