19:00 11 Сәуір 2021
Тікелей эфир
  • USD433.15
  • EUR515.06
  • RUB5.61
Қоғам
Қысқа сілтеме алу
186 0 0

Министр қазақстандық вакцинаның техникалық құжаттары әлі дайын болмағанын жеткізді. Отандық екпе әзірше өндірістік ауқымда шығарылмайды

НҰР-СҰЛТАН, 7 сәуір — Sputnik. Денсаулық сақтау министрі Алексей Цой коронавирусқа қарсы қазақстандық вакцинаны не себепті салдырмай жүргенін түсіндірді, деп хабарлайды Sputnik Қазақстан тілшісі.

"Бүгінде биологиялық қауіпсіздік мәселелері жөніндегі ғылыми зерттеу институты негізінде алғашқы серияны шығарды. Біз клиникалық зерттеулер бойынша техникалық есептерді күтіп отырмыз. Ол құжаттарды сәуірдің соңында тапсырады", - деді Цой орталық коммуникациялар қызметінде өткен онлайн брифингте.

Министр техникалық құжаттар дайын болғаннан кейін қазақстандық вакцинаны салдыруға дайын екенін жеткізді. Алайда отандық екпе әзірше өндірістік ауқымда шығарылмайды. Себебі зауыттың құрылысы аяқталмаған.

"Қазіргі кезде өндірісті іске қосу кестесі пысықталып жатыр. Жақын арада технологиялық желіні тапсырады. Сосын валидация бар. Жалпы, барлық процесті GMP стандартына дейін жеткізу керек. Сол кезде зауытты іске қосуға болады. Шамамен ол жыл соңында іске асады", - деп атап өтті Цой.

Вакцина салу процесін видеоға түсіруге бола ма – министрлік жауап берді

Айта кетейік, Қазақстанда 1 ақпанда коронавирусқа қарсы вакциналау басталды. Алдымен індетті жұқтыру қаупі жоғары санатқа кіретін адамдар – медицина қызметкерлері, полицейлер және тағы басқа мамандарға салынды. Қазіргі кезде барлығына бірдей вакцина салу шаралары басталып жатыр.

Президент Қасым-Жомарт Тоқаев Қарағанды зауытында шығарылған "Спутник V" вакцинасын салдырды.

Тақырып бойынша

Желіде алматылық әйелдің вакцина салдырғаннан кейін қайтыс болғаны туралы видео тарады
Нұр-Сұлтанда жаппай вакциналау басталады: COVID-ке қарсы екпені қалай алуға болады
Тоқаев вакцина салдырды
Цой Қарағандыда өндірілген "Спутник V" вакцинасын отандық өнім деп атады
Кілт сөздер:
коронавирус, вакцина
Загрузка...

Басты тақырып