18:55 11 Сәуір 2021
Тікелей эфир
  • USD433.15
  • EUR515.06
  • RUB5.61
Қоғам
Қысқа сілтеме алу
10602 0 0

Ілияс Тұрманов театрда, қазақстандық және шетелдік кинода 50-ден аса рөлде ойнаған

НҰР-СҰЛТАН, 7 сәуір — Sputnik. Алматыда белгілі театр және кино актері Ілияс Тұрманов қайтыс болды. Наталья Сац атындағы балалар мен жасөспірімдер театрының актері көптен бері науқастанып, 4 сәуірде дүниеден озды.

Мәдениет және спорт министрі Ақтоты Райымқұлова актердің отбасы мен театр труппасына көңіл айтты.

"Ілияс Тұрмановтың қазасы - кәсіби қоғамдастық үшін ғана емес, оның шығармашылығын жоғары бағалайтын отандық театр көрермендері үшін орны толмас қайғы", - деді Райымқұлова.

Ілияс Тұрманов 1967 жылы дүниеге келген. Жамбыл мәдени-ағарту училищесін бітірген. Шығармашылық қызметін Жамбыл облыстық орыс драма театрында бастаған. 1998 жылы Наталья Сац атындағы балалар мен жасөспірімдер театрына келеді. Театр сахнасында 20 жылдан аса еңбек етіп, 50-ден аса рөлді сомдады.  

Марқұмның басқа да әріптестері қайғыға ортақтасып, көңіл айтты.

"Ілияс өз өмірін мәдениетке, еліне, өзінің адал көрермендеріне арнады. Жарқын талант иесін көрермендері де қолпаштады. Театр оның өмірінің мәніне айналып еді", -  деп жазды Ресейдің халық әртісі Николай Басков.

Сондай-ақ актер 2003 жылдан "Каждый взойдет на Голгофу", "Маленькие люди", "Остров возрождения", "Подарок Сталину", "Небо моего детства" фильмдерінде, "Астана - менің махаббатым" қазақ-түрік телехикаясында түрлі рөлдерді сомдады.

Тақырып бойынша

Белгілі қазақстандық дәрігер қайтыс болды
Коронавирустан қайтыс болған полицейлердің саны жарияланды
"Азия дауысы" байқауының режиссері Александр Пономарев қайтыс болды
Пандемияға – 1 жыл: коронавирусты қашан жеңеміз
Кілт сөздер:
қайтыс болды, өнер жұлдыздары, коронавирус
Загрузка...

Басты тақырып