23:55 21 Сәуір 2021
Тікелей эфир
  • USD429.76
  • EUR518.16
  • RUB5.64
Қоғам
Қысқа сілтеме алу
COVID-ке қарсы вакцина (164)
280 0 0

Вакцинаның екінші компонентін салдырмаса, адамда иммунитет қалыптаспайды. Өйткені екеуінің құрамы екі түрлі, дейді Лаура Мырзағали

АЛМАТЫ, 6 сәуір – Sputnik. Алматы қаласы қоғамдық денсаулық сақтау басқармасының өкілі Лаура Мырзағали коронавирусқа қарсы вакцинаның екінші компонентін салдырудың маңыздылығын түсіндірді, деп хабарлайды Sputnik Қазақстан тілшісі.

"Вакцинаның екінші компонентін салдырмаса, адамда иммунитет қалыптаспайды. Өйткені екеуінің құрамы екі түрлі. Сондықтан бір-бірінсіз адамның бойында иммунитет қалыптаспайды. Екінші компонентін міндетті түрде салдыру керек", - деді Мырзағали Sputnik Қазақстан тілшісінің сауалына.

Маманның айтуынша, вакцинаның екінші компонентін 21 күннен кейін де салдыруға болады.

Сонымен қатар Лаура Мырзағали жүктілікті жоспарлап жүрген қыз-келіншектерге вакцина салдырар кезде дәрігерімен кеңесуді ұсынды.

"Адам вакцина салдырған соң бір айдай уақыт өз жағдайын бақылайды. Дәрігерлер де бақылайды. Содан кейін жүктілікті жоспарласа болады. (...) Індет, вакцинаның өзі бізге жаңадан келіп жатыр. Сондықтан біз әлі мұның арты қалай болатынын білмейміз", - деді маман.

Оқи отырыңыз: Қыркүйекте 10 миллион адамға вакцина салуды аяқтаймыз – Мамин 

Лаура Мырзағали созылмалы ауруы бар науқастарға, жүкті әйелдерге, балаларға, онкологиялық ауруы бар науқастарға вакцина салдыруға болмайтынын айтты. Ал қалған азаматтар ешқандай тексеруден өтпей, вакцина салдыра алады.

"Вакцина салатын кезде дәрігер адамның қан қысымын, дене қызуын өлшеп, визуалды тексереді. Содан кейін вакцина алуға жібереді. "Спутник V" вакцинасының аллергия туғызатын қасиеті жоқ", - деді Мырзағали.

Айта кетейік, 6 сәуірге дейін Алматыда 41 549 адам коронавирусқа қарсы вакцинаның бірінші компонентін салдырды.

Тақырып:
COVID-ке қарсы вакцина (164)

Тақырып бойынша

Сәуірде Қазақстан өңірлеріне қанша вакцина дозасы жеткізіледі
Алматы тұрғындары COVID-ке қарсы вакцинаны қалай салдырды - видео
Қазақстанда қатаң карантин енгізіле ме?
2021 жылы Алматыда қанша адам екінші рет коронавирус жұқтырды
Вакциналау арқылы чип орната ма – министр түсініктеме берді
Жаппай вакциналау тоқтатылады: Алматыда екпе салуға қатысты өзгеріс енгізілді
Кілт сөздер:
коронавирус, вакцина
Загрузка...

Басты тақырып