Қоғам

Мектеп оқулығын оқыған президент неге таңғалды

© Sputnik / Абзал КалиевУчебники, иллюстративное фото
Учебники, иллюстративное фото - Sputnik Қазақстан
Жазылу
Мемлекет басшысы 2025 жылға дейін 800 жаңа мектеп бой көтеретінін еске салды. Ол биыл 200 жаңа мектеп салуды тапсырды

НҰР-СҰЛТАН, 26 қаңтар – Sputnik. Мектептерде "Қазақстан тарихы" мен "Дүниежүзі тарихы" пәндерінен бірыңғай оқулықтар әзірленіп, енгізіледі, деп хабарлайды Sputnik Қазақстан тілшісі.

Бұл туралы мемлекет басшысы үкіметтің кеңейтілген отырысында мәлімдеді. 

"Мектептерде пайдаланылатын тарих оқулықтарында бұрмаланған мәтіндер көп. Мен өзім кейбір оқулықтарды оқып, сапасының төмендігіне таңғалдым. Тарихи оқиғалар мен фактілер оқушыларға бұрмалаусыз жеткізілуі тиіс. Сол себепті "Қазақстан тарихы" және "Дүниежүзі тарихы" бойынша бірыңғай мектеп оқулығын әзірлеуді және енгізуді тапсырамын", деді Тоқаев. 

Бұдан бөлек, президент 2025 жылға дейін 800 жаңа мектеп бой көтеретінін еске салды. 

Бұл жұмысқа қазірден бастап кірісу қажет. Биыл 200 жаңа мектеп салуды тапсырамын, деп толықтырды ол.

 



 

Жаңалықтар
0