АЛМАТЫ, 10 қаңтар – Sputnik. Түркиядан келген бір қазақстандықтан коронавирус инфекциясы анықталды, деп хабарлады санитарлық-эпидемиологиялық бақылау комитеті.
8 қаңтада Қазақстанға Германия, БАӘ, Мысыр, Түркия, Ресей, Беларусь және Өзбекстаннан 13 халықаралық әуе рейсі келген. Оның ішінде 1 769 жолаушы болған. 1 522 адамда коронавирустың бар-жоғын анықтауға тапсырған тест нәтижесі болған. Ал қалған 247 қазақстандық анықтамасыз келген.
Оның ішінде Алматы қаласының әуежайына 205 жолаушы анықтамасыз келсе, Нұр-Сұлтан әуежайына анықтамасыз 28 адам, Қостанай қаласына 14 адам келген.
Бұл азаматтардан ПТР-тест алынды, олар нәтижесін карантиндік стационарда күтті. Комитеттің хабарлауынша, Стамбұл–Нұр-Сұлтан рейсімен келген бір жолаушыдан коронавирус инфекциясы анықталды.
Оқи отырыңыз: Қазақстанда коронавирус жұқтырғандар саны біршама төмендеді
Сонымен қатар БАӘ-ден ұшып келген Түркия азаматының мерзімі өткен анықтаманы ұсынуына байланысты Алматы қаласының әуежайынан депортацияланды.
