НҰР-СҰЛТАН, 20 желтоқсан – Sputnik. IBF және IBO тұжырымдары бойынша орта салмақтағы әлем чемпионы Геннадий Головкин поляк Камил Шереметаға қарсы соңғы жекпе-жегінің айшықты сәттерінен видео жариялады, деп хабарлайды Sputnik Қазақстан.
Үш минуттық роликте GGG бокс кеші өткен жерге қалай келгенін және өзінің дайындығын көрсетті. Сондай-ақ, бірнеше нокдаун мен қарсылас команданың жекпе-жекті жалғастырудан бас тартқан сәті де бар.
"The Big Drama Show is back!", - деді комментаторлардың бірі.
Ал Геннадий Головкиннің өзі кез келген мықты қарсыласпен жұдырықтасуға дайын екенін мәлімдеді. Видеоның соңында "History made!" (Тарих жасалды!) деген жазу шығады.
Головкин титулдарын қорғап, рекорд орнатты – жекпе-жек видеосы
Айта кетейік, соңғы жекпе-жекте қазақстандық боксшы IBF тұжырымы бойынша орта салмақтағы әлем чемпионы титулын 21-ші рет қорғап шықты. Бұл рекордтық көрсеткіш болып саналады. Бұған дейін танымал боксшы Бернард Хопкинс IBF белбеуін 20 рет қорғаған. GGG одан асып түсті.
Жекпе-жектен кейін Геннадий Головкин барша қазақстандықты Тәуелсіздік күнімен құттықтады.
Посмотреть эту публикацию в Instagram
