19:22 28 Қараша 2020
Тікелей эфир
  • USD423.87
  • EUR505.25
  • RUB5.59
Қоғам
Қысқа сілтеме алу
Коронавирус эпидемиясы (1816)
834 0 0

Америкалық ғалымдар коронавирус инфекциясымен ауырған адамның ағзасында антидене жарты жылдан көп уақыт сақталатынын айтты

АЛМАТЫ, 19 қараша – Sputnik. АҚШ-тағы Ла Хойя иммунология институтының мамандары бірнеше ай зерттеу жүргізіп, Covid-19 инфекциясын жұқтырғандардың ағзасында иммунитет сегіз ай немесе одан да ұзақ уақыт сақталуы мүмкін екенін анықтады.

Зертеу барысында мамандар пандемия басталған кезде 19-81 жас аралығындағы коронавирус инфекциясының жеңіл түрімен ауырған 185 науқастың қан сынамасын бірнеше рет тексерді, деп хабарлады РИА Новости.

Содан кейін ғалымдар иммундық жүйенің төрт компонентін талдады: антиденелер, қажет болған жағдайда көп антидене шығаратын В жасушалары және Т жасушасының екі түрі.

Зерттеу нәтижесінде антидененің инфекция жұқтырғаннан кейін 6-8 айдан кейін де сақталатыны анықталды, алайда аздап төмендеу болады. Сонымен қатар Т жасушаларының ағзада баяу ыдырайтыны көрінген, ал В жасушаларының саны кенеттен өсіп кеткен.

Ғалымдардың айтуынша, бұл иммундық реакцияны толық және жан-жақты бағалауға мүмкіндік берген алғашқы зерттеу. Олар науқастың қанында антидене табылмаса да, В жасушалары иммундық жадты сақтайтынын айтты. Осылайша организм бірнеше жыл бойы коронавирусты "танитын" болады.

Айта кетейік, бұған дейін АҚШ пен Канададан келген иммунологтар коронавирусқа қарсы антидене адам инфекция жұқтырғаннан кейін кемінде үш ай бойы сақталатынын айтты.

 

Тақырып:
Коронавирус эпидемиясы (1816)

Тақырып бойынша

Маман коронавирустың бұған дейін айтылмаған қаупін атады
Қытайда коронавирустың жаңа түрі таралып жатыр
Коронавирустың екінші толқыны: елдің жағдайы не болады?
Балалар коронавирустың жеңіл түріне шалдығатыны рас па – дәрігер жауап берді
Коронавирустың "қызыл" аймағына қанша облыс кірді
Кілт сөздер:
ғалымдар, коронавирус
Загрузка...

Басты тақырып