06:23 24 Қазан 2020
Тікелей эфир
  • USD427.91
  • EUR506.90
  • RUB5.60
Қоғам
Қысқа сілтеме алу
6647 0 0

Президент медициналық мекемелерді қажетті құрылғылармен жабдықтау, төсек-орын мен инфрақұрылымды жаңарту, сондай-ақ, дәрігерлердің еңбекақысын арттыру мәселелеріне тоқталды

НҰР-СҰЛТАН, 25 қыркүйек – Sputnik. Қазақстан президенті Қасым-Жомарт Тоқаев Алматыда И.Жекенова атындағы қалалық клиникалық жұқпалы аурулар ауруханасына барды. Палаталарды аралау барысында мемлекет басшысы коронавирустың екінші толқынына дайын болуға шақырды, деп хабарлайды Ақорда.

Алматыға жұмыс сапары барысында Тоқаев, ең алдымен, И.Жекенова атындағы қалалық клиникалық жұқпалы аурулар ауруханасының жаңа филиалына барды. Президент 500 адамға стационарлық медициналық жәрдем беруге арналған және заманауи құрылғылармен жабдықталған палаталарды аралап көрді.

Мемлекет басшысы коронавирустың ықтимал жаңа толқынына дайын болудың маңызды екенін атап өтті. Осы ретте азаматтарымыздың өмірі мен денсаулығын сақтау үшін барлық ресурсты жұмылдыру қажеттігін айтты.

"Қазір бүкіл әлемдегі жағдай күрделі. Еуропа мен Америкада коронавирустың екінші толқыны өтіп жатыр. Осындай жағдайда біз қырағылық танытып, дайын болуымыз қажет", - деді Тоқаев.

Ол үкімет пандемияның бірінші толқынынан жақсы сабақ алғанын, бұл тәжірибенің пайдасы болғанын атап өтті.

"Әрине, қиын болды, қателіктер жіберілді, соның ішінде, денсаулық сақтау министрлігі тарапынан да ағаттықтар кетті. Бұл қателіктерді жұмыс барысында жөндеуге тура келді. Дегенмен, кез келген тәжірибенің, тіпті ауыр болса да, пайдасы бар.  Сондықтан екінші толқынға дайын болайық. Содан кейін бүкіл дүние жүзімен, халықаралық қоғамдастықпен бірге барлық қиындықты лайықты түрде еңсеруге тиіспіз", – деді президент.

Мемлекет басшысына қаладағы медициналық-демографиялық ахуал және COVID-19 індетіне қарсы күресу үшін қабылданған шаралар, сондай-ақ, медициналық жедел жәрдем қызметінің жұмысы жөнінде баяндалды.

Президент медицина қызметкерлерімен әңгімелесу барысында ұлттық денсаулық сақтау саласын одан әрі дамыту, медициналық мекемелерді қажетті құрылғылармен жабдықтау, төсек-орын мен инфрақұрылымды жаңарту, сондай-ақ, дәрігерлердің еңбекақысын арттыру мәселелеріне тоқталды.

Тағы оқыңыз: Коронавирустың екінші толқыны басталса, 2,2 млн адам қиын жағдайда қалуы мүмкін

"2023 жылға қарай медицина қызметкерлерінің еңбекақысын бүкіл экономикадағы орташа жалақыдан екі есе жоғары деңгейге жеткізу міндеті қойылады. Алғашқы медициналық санитарлық жәрдем беру ісін дамытуға баса мән беріледі. Өкінішке қарай, біз бұл салаға уақытында назар аудармадық. Эпидемия мұндай іс-қимылдардың қате екенін көрсетті. Қазір жіберген қателіктерге дұрыс көңіл бөліп, оларды түзетуіміз керек. Әрине, медицина әрдайым басты назарымызда болады", – деді Тоқаев.

Кездесу саңында мемлекет басшысы пандемияға қарсы күрестің күрделі жағдайында атқарған қажырлы еңбегі үшін дәрігерлерге ризашылық білдірді.

Тақырып бойынша

Тоқаев БҰҰ Бас ассамблеясында әлемге төнген жаңа қауіпті атады
Тоқаев жұмыс сапарымен Алматыға барды
Тоқаев карантин талаптарын біртіндеп жеңілдету маңызды екенін айтты
Тоқаев жарлыққа қол қойды
Кілт сөздер:
Алматы, Қасым-Жомарт Тоқаев, коронавирус
Загрузка...

Басты тақырып