07:04 24 Қазан 2020
Тікелей эфир
  • USD427.91
  • EUR506.90
  • RUB5.60
Қоғам
Қысқа сілтеме алу
6349 0 0

Солтүстік Қазақстан, Ақмола, Павлодар, Қостанай және Қарағанды облыстарындағы бірнеше елді мекен құс өнімдерін шығара алмайды   

НҰР-СҰЛТАН, 21 қыркүйек – Sputnik. Бірнеше облыста құс тұмауы анықталды. Бұл туралы ауыл шаруашылығы вице-министрі Гүлмира Исаева мәлім етті, деп хабарлайды Sputnik Қазақстан тілшісі.

"Осы уақытқа дейін 47 елді мекенде құс қырылды. Бұның барлығы бес облыстың 26 ауданында болған. Жалпы, жеке үйлерде өлген құстың саны 12 926 басқа жетті. Бұдан бөлек, Солтүстік Қазақстандағы құс фабрикасында 41 мың құс қырылып қалды", - деді Исаева орталық коммуникациялар қызметінде өткен онлайн брифингте.

Оқи отырыңыз: Солтүстік Қазақстанда бір тәулікте 180 мың құс қырылып қалды 

Вице-министрдің айтуынша, Солтүстік Қазақстан облысында 27 ауылда құс қырылса да, қауіпті вирус 23 ауылда анықталған. Осыған байланысты 17 қыркүйектен бастап 7 ауданда құс өнімдерін шығаруға шектеу енгізілді. Олар:

  • Тимирязев ауданы;
  • Жамбыл ауданы;
  • Қызылжар ауданы;
  • Тайынша ауданы;
  • Шал ақын ауданы;
  • Ғабит Мүсірепов ауданы;
  • Мағжан Жұмабаев ауданы.

Ал Айыртау ауданы бойынша Қарақамыс ауылында шектеулер енгізілді. Бұдан бөлек, Ақмола облысында Шойындыкөл ауылы, Павлодар облысында Еңбекші, Ақтау және Трофимовка ауылдары, Қостанай облысында Сокол, Маяк және Красная Пресня ауылдары құс өнімдерін шығара алмайды.

"Сондай-ақ, қазіргі кезде Қарағанды облысының Нұра ауданында құстың қырылуынан қатысты зертханалық жұмыстар атқарылып жатыр", - деп түйіндеді Исаева.

Тақырып бойынша

Қазақстанда құс тұмауына байланысты он ауыл карантинге жабылды
Солтүстік Қазақстанда құс тұмауының ошақтары табылды
Қазақстанда құс тұмауы өршіді – адамдар ауруды жұқтыруы мүмкін бе?
Құс тұмауы Қазақстанның тағы бір облысына жетті
Кілт сөздер:
шектеу, тұмау, құс
Загрузка...

Басты тақырып