НҰР-СҰЛТАН, 20 қыркүйек – Sputnik. Қазақстанда өткен тәулікте коронавирус пен пневмониядан жеті адам қайтыс болды, деп хабарлайды денсаулық сақтау министрлігі.
Ведомство мәліметінше, қазіргі кезде елімізде 3 690 адам, оның ішінде 40 бала коронавирус инфекциясына ем қабылдауда.
Жалпы елдегі ауруханаларда 1 900 науқас жатыр. 1 790 науқас амбулаториялық деңгейде ем қабылдаса, 104 адамның жағдайы ауыр. 11 пациенттің хәлі өте ауыр және 18 адам жасанды тыныс алдыру аппаратына қосылған.
"Өткен тәулікте коронавирус тәрізді пневмонияның 272 жағдайы анықталып, 5 өлім жағдайы тіркелді. Сондай-ақ, коронавирус індетін 63 адам жұқтырып, екі науқас қайтыс болды", – делінген хабарламасында.
Айта кетейік, пандемия басталғалы бері Қазақстанда коронавирустың 107 262, ал 1 тамыздан бастап пневмонияның 31 086 жағдайы тіркелді.
Оқи отырыңыз: Ғалымдар коронавирусты кімдер жұқтырмайтынын айтты
