10:25 27 Қазан 2020
Тікелей эфир
  • USD429.59
  • EUR507.30
  • RUB5.62
Қоғам
Қысқа сілтеме алу
Коронавирус эпидемиясы (1666)
2032 0 0

Онлайн брифингте журналистер ата-аналарға қаржылай көмек беру мәселесін көтерді. Себебі олардың арасында үйде балалармен отырғандықтан, табысынан айырылған азаматтар бар

НҰР-СҰЛТАН, 10 қыркүйек – Sputnik. Үкімет басшысының орынбасары Ералы Тоғжанов қашықтан оқыту форматына байланысты үйде баламен отырған ата-аналарға қаржылай көмек беру мәселесіне қатысты пікір білдірді, деп хабарлайды Sputnik Қазақстан тілшісі.

Бүгін орталық коммуникациялар қызметінде өткен онлайн брифингте журналистер ата-аналарға қаржылай көмек беру мәселесін көтерді. Себебі олардың арасында үйде баламен отырамыз деп, жұмыстан кеткен және табысынан айырылған азаматтар бар. 

"Бүгінде қашықтан білім берудің олқылықтарына байланысты көптеген адам балаларына көмектесеміз деп, ақысыз демалыс алып, жұмыстан кетуге мәжбүр. Үкімет осы азаматтарға табыстың бір бөлігін болса да өтеуді қарастырып отырған жоқ па?", - деді тілшілер. 

Премьер-министрдің орынбасары Ералы Тоғжанов айтарлықтай проблема жоқ екенін айтты.

"Балалармен үйде отырған ата-аналар мәселесіне тоқталсақ, мен сонша үлкен проблема көріп отырған жоқпын. Себебі жұмыс істегісі келетін ата-аналар жұмысына емін-еркін бара алады. Балаларды кезекші сыныптарға беруге болады", - деп атап көрсетті Тоғжанов.

Осы орайда үкімет басшысының орынбасары 42 500 теңгені де еске алды. Ол кезде табысынан айырылған біраз адамға қаржылай көмек көрсетілді. Сондай-ақ, жұмысын тоқтатқан кәсіпорындарға да қолдау жасалды. 

"Ал сұраққа қатысты айтарым, бүгінде мемлекет мүмкіндігінше барлық қолдау шараларын атқаруға тырысып келеді", - деп атап көрсетті Тоғжанов.

Тақырып:
Коронавирус эпидемиясы (1666)

Тақырып бойынша

Денсаулық министрі Қазақстан қандай жағдайда қатаң карантинге оралатынын айтты
Көпбалалы отбасылар қашықтан білім алудың қиындығы туралы айтты - видео
Денсаулық министрі қашықтан оқыту туралы: бірінші тоқсан осы форматта өтеді
Қашықтан оқытуға 70 млн доллар бөлінгені рас па - Аймағамбетов жауап берді
Цой балалар қай жастан кейін коронавирусты жылдам тарататынын айтты
Кілт сөздер:
ақша, балалар, ата-аналар
Загрузка...

Басты тақырып