02:01 21 Қазан 2020
Тікелей эфир
  • USD428.68
  • EUR506.01
  • RUB5.50
Қоғам
Қысқа сілтеме алу
Коронавирус эпидемиясы (1635)
53 0 0

Үкімет басшысы қазіргі кезде қабылданып жатқан шаралар күзде пайда болуы мүмкін пандемияның жаңа толқыны мен маусымдық ауруларға қарсы күресуге жағдай жасайтынын айтты

НҰР-СҰЛТАН, 9 қыркүйек – Sputnik. Үкімет басшысы Асқар Мамин коронавирустың жаңа толқыны болған жағдайда, жеке қорғаныш құралдары мен дәрі-дәрмек тапшылығы болмайтынын мәлімдеді, деп хабарлайды Sputnik Қазақстан тілшісі.

Премьер-министр қазір коронавирусқа қатысты жағдай тұрақталғанын атап өтті. Коронавирус пен вирустық пневмонияның тәуліктік өсімі – 0,5% шегінде.

"Өздеріңіз білесіздер, күзде вирустық аурулармен және тұмаумен ауру жағдайлары артады. Осыған байланысты елімізде тұмауға қарсы вакцина салу 15 қыркүйекте басталады. Жеке қорғану құралдары мен дәрі-дәрмектердің жеткілікті қоры жасалды. Тапшылық болмайды", – деп сендірді Мамин үкімет отырысында.

Ол өңірлерде 12 инфекциялық аурухана салынып, екі стационар қайта жаңартылып жатқанын атап өтті. Жалпы, ауруханалардағы орындардың санын 50 мыңға дейін ұлғайту жоспарланып отыр.

Ауылдарда медициналық көмектің қолжетімділігін қамтамасыз ету жұмыстары жүргізілуде.

Мамин коронавирусқа тестілеу мүмкіндігі артқанын айтты. Вакцина сатып алу жөнінде келіссөздер өткізіліп, отандық вакцина жасап шығару бойынша қарқынды жұмыс ұйымдастырылған.

"Барлық қабылданып жатқан шаралар күзде пайда болуы мүмкін пандемияның жаңа толқынына және маусымдық ауруларға қарсы күресуге жағдай жасайды", – деді премьер.

Оқи отырыңыз: Президент дәрі-дәрмек тапшылығы мәселесі қай кезде шешілетінін айтты

Ол вирустың қайтадан өршуі мүмкін екенін айтып, кейбір шектеу шараларын жалғастыруды тапсырды.

Тақырып:
Коронавирус эпидемиясы (1635)

Тақырып бойынша

Тегін дәрі-дәрмек: қайдан және қалай алуға болады
Тоқаев дәрі-дәрмек туралы: импортқа тым тәуелдіміз
Ибупрофен, парацетамол және цефтриаксон: елордаға қандай дәрі-дәрмек жеткізілді
Шымкент әкімі дәрі-дәрмек сатып алуға қатысты кеңес берді 
Қазақстанда дәрі-дәрмек сату саласында 400-ге жуық заңбұзушылық анықталды
Кілт сөздер:
Асқар Мамин, дәрі-дәрмек, бетперде
Загрузка...

Басты тақырып