15:25 07 Наурыз 2021
Тікелей эфир
  • USD419.66
  • EUR500.44
  • RUB5.62
Қоғам
Қысқа сілтеме алу
36 0 0

Қаланың бас санитар дәрігерінің қаулысына сәйкес, музейлер, кітапханалар мен хайуанаттар бағы қалыпты режимде жұмыс істей бастады

АЛМАТЫ, 8 қыркүйек  — Sputnik. Алматыда бірқатар мәдениет нысаны карантин шараларын сақтай отырып, штаттық режимде жұмыс істеуге көшті, деп хабарлайды Sputnik Қазақстан.

Қала әкімдігі баспасөз қызметінің хабарлауынша, қаланың бас санитар дәрігерінің қаулысына сәйкес, бірінші қыркүйектен бастап қалада музейлер, кітапханалар мен хайуанаттар бағы қалыпты режимде жұмыс істей бастады.

"Алматы музейі, Ықылас атындағы ұлттық аспаптар музейі, Қонаев музейі, Нұрғиса Тілендиев атындағы мемориалдық музей, Сәбит Мұқанов пен Ғабит Мүсірепов атындағы әдеби-мемориалдық музей кешені, Райымбек батыр дәстүрлі музыка мультимедиялық музей кешені күнделікті таңғы сағат 10.00-ден 19.00-ге дейін жұмыс істейді", - деп хабарлады қала әкімдігі.

Сондай-ақ, Ықылас атындағы халық музыкалық аспаптар музейінде Азия және Еуропа музыкалық аспаптарының жаңа залдары ашылды.

Хайуанаттар бағы күнделікті сағат 9.00-ден 19.00-ге дейін жұмыс істейді. Кассалар бұрынғы жұмыс кестесінен бір сағат бұрын ерте жабылады.

Ал қалалық кітапханалар әдеттегідей 9.00-ден 20.00-ге дейін жұмыс істейді.

Айта кетейік, қала кітапханалары онлайн форматта да бірқатар шара өткізуді жоспарлап отыр. Мысалы, қазанда балалар жазушысы Сапарғали Бегалиннің 125 жылдығына орай халықаралық конференция өтеді.

Мәдени нысандарға әлеуметтік арақашықтықты сақтап, медициналық бетперде тағып кіру қажет.

Загрузка...

Басты тақырып