НҰР-СҰЛТАН, 18 тамыз – Sputnik. Руслан Шпекбаев қорғаныс министрінің орынбасары болып тағайындалды, деп хабарлайды Ақорда.
"Мемлекет басшысының өкімімен Руслан Нұртөлеуұлы Шпекбаев Қазақстан Республикасы қорғаныс министрінің орынбасары болып тағайындалды", - делінген хабарламада.
Бұған дейін ол Қазақстан Қарулы күштері Бас штабы бастығының бірінші орынбасары қызметін атқарды.
Осы жылдың 14 шілдесінде қорғаныс министрінің орынбасары генерал-майор Бақыт Құрманбаевтың қайтыс болғаны хабарланған еді. Ол материалдық-техникалық қамтамасыз ету, қорғаныс өнеркәсіп кешенімен өзара іс-қимыл жасау, қару-жарақ және әскери техника, сондай-ақ, тылдық және медициналық қамтамасыз ету мәселелеріне жетекшілік етті.
