НҰР-СҰЛТАН, 30 шілде – Sputnik. Алматыда 31 шілде мен 2 тамыз аралығында қоғамдық көлік қозғалысы тоқтатылатын болды, деп хабарлайды Sputnik Қазақстан.
"Бас санитар дәрігердің шешіміне сәйкес мереке және демалыс күндері 31 шілдемен 1-2 тамыз күндері Алматыдағы қоғамдық көліктер мен метроның жұмысы тоқтатылады", – делінген Алматы көлік холдингі таратқан хабарламада.
Айта кетейік, 5 шілде мен 2 тамыз аралығында Қазақстанда карантин шаралары күшейтілді. Ал 29 шілде күні президент Тоқаев карантиндік шектеулерді тағы екі аптаға – 17 тамызға дейін ұзартты.
Оқи отырыңыз: Карантин ұзартылса, Құрбан айт қалай өтеді?
Бұған дейін Алматы әкімдігі қоғамдық көлік қозғалысы тек мереке мен демалыс күндері ғана толығымен тоқтайтынын хабарлаған. Ал жұмыс күндері олардың қызмет қызмет көрсету уақыты бір сағатқа қысқарған.
