өНҰР-СҰЛТАН, 28 маусым – Sputnik. "Қазгидромет" мамандары табиғата кездесетін сирек құбылысты тіркеді. 27 маусым күні Нұр-Сұлтан қаласында жауын-шашын мөлшері 39 милиметрді көрсеткен. Ал айлық норма 37 милиметрді құрайтын, деп хабарлайды "Қазгидромет".
Мекеме қызметкерлері жексенбі күні жауын-шашынды болатындығын алдын ала хабарлаған болатын.
"Нұр-Сұлтанда найзағай ойнап, жаңбыр жауады. Түнде ауа температурасы +8 +10, күндіз +18 +20 градус болады. Жел секундына 20 метрге дейін күшеюі ықтимал", – делінген хабарламада.
Дегенмен, ауа райын болжау орталығының мамандары 27 маусым күні ел астанасында айлық жауын-шашын мөлшерінен асып түскенін мәлімдеді. Нәтижесінде, Нұр-Сұлтан қаласының кейбір көшелерін су басып, түрлі видеолар әлеуметтік желілерде жариялана бастады.
Посмотреть эту публикацию в Instagram
"27 маусым күні тәулік бойы жауған жаңбыр 39 миллимтерді құрап, айлық мөлшер артығымен орындалды. 1–28 маусым аралығында астанадағы жауын-шашын жиілігі 96 миллимтерді көрсетті. Ал қалыпты норма 37 миллиметр болатын", – деп атап көрсетілген хабарламада.
Мамандардың түсіндіруінше, мұның себебі аймақтағы ыстық ауа райының жауын-шашынсыз күрт салқындап, оның соңы жаңбырға ұласуымен байланысты көрінеді.
