НҰР-СҰЛТАН, 5 маусым – Sputnik. Қазақстанда коронавирустан қайтыс болғандар саны 52-ге жетті. Ведомствоаралық комиссия елде COVID-19 жұқтырған тағы төрт науқас көз жұмғанын хабарлады. Жаңа жағдай Нұр-Сұлтан, Шымкент, Павлодар және Қарағанды облыстарында тіркелген.
"Шымкентте 1950 жылы туған әйел, Қарағанды облысында 1958 жылы туған ер адам, Нұр-Сұлтанда 1944 жылғы әйел мен Павлодар облысында 63 жастағы әйел коронавирустан көз жұмды", - делінген хабарламада.
Өткен тәулікте вирусты 245 адам жұқтырды. Өсім - 2%. Ең көп жағдай тағы да астана, Алматы қалалары мен Қарағанды облысында байқалады.
Тағы оқыңыз: Коронавирустың екінші толқыны басталып кетті – Біртанов
2020 жылдың 13 наурызынан бастап елде 12 312 адамда COVID-19 расталды. 6 606-сы емделіп шықты.