07:46 04 Желтоқсан 2020
Тікелей эфир
  • USD422.87
  • EUR512.10
  • RUB5.63
Қоғам
Қысқа сілтеме алу
Төтенше жағдай және карантин (707)
2172 0 0

Ораза айттың бірінші күні 24 мамырға тура келіп тұр. Айт намазы оқылмаса да, әркім үйінде нәпіл намазын оқуына болады

НҰР-СҰЛТАН, 21 мамыр – Sputnik. Биыл карантинге байланысты мешіттерде Ораза айт намазы жамағатпен оқылмайды. Бұл туралы Қазақстан мұсылмандары діни басқармасы шариғат және пәтуа бөлімі меңгерушісінің орынбасары Хасан Аманқұлов мәлімдеді, деп хабарлайды Sputnik Қазақстан тілшісі.

"Бізде әдетте айт намазына жұма намазынан да көп халық жиналады. Бұл карантин талаптарына сәл қайшы келетінін ескеріп, биыл айт намазын тоқтатуға тура келіп тұр. Айт намазы оқылмаса да, әркім үйінде нәпіл намазын оқуына болады. Оған ешкім тыйым салмайды", - деді Аманқұлов Sputnik Қазақстан тілшісіне.

Ол шариғат кітаптарында адамның денсаулығы мен өмірі әрдайым бірінші орында екенін атап өтті. Сондықтан зәрулік жағдайды ескеріп, жамағатпен оқылатын айт намазын тоқтатуға рұқсат етіледі.

Оқи отырыңыз: Нұр-Сұлтанда мешіттер мен дәмханалар ашылды – видео 

Мүфтият қазақстандықтарға Ораза айт мерекесін үйде отбасымен бірге қарсы алуға шақырды.

Биыл Рамазан айы 24 сәуірде басталды. Қасиетті ай коронавирустың таралуын тоқтату мақсатында жарияланған төтенше жағдай мерзімімен тұспа-тұс келген еді.

Ораза айттың бірінші күні 24 мамырға түсіп тұр. Шариғат бойынша айт намазы күн найза бойы көтерілгеннен бастап күн тас төбеге көтерілгенге дейін оқылады.

Мешіттер қалай жұмыс істеп жатыр

Қазақстанда төтенше жағдай режимі 11 мамырда аяқталды. Ал 18 мамырдан мешіттер ашыла бастады. Бірақ олардың жұмыс уақыты шектелген: күндіз таңғы  07.00-ден кешкі 20.00-ге дейін ашық болады. Осыған байланысты биыл қасиетті Қадір түнін де қазақстандықтар үйде қарсы алған еді.

Коронавирустың таралуына байланысты әзірге жамағатпен оқылатын бес уақыт жұма намазы мен тарауық намазына тыйым салынып отыр.

Мешітте жеке құлшылық жасап, құран оқытып, неке қидыруға рұқсат етілген.

Жеке құлшылық кезінде 1,5 метр арақашықтық сақталуы тиіс. Құран оқитын бөлмеге он адамнан артық кіргізілмейді. Ал неке қидыратын бөлмеге тек төрт адамға ғана кіруге рұқсат.

Сонымен қатар, мешіт ішінде он бес минуттан артық болуға тыйым салынады.

Тақырып:
Төтенше жағдай және карантин (707)

Тақырып бойынша

Дәмханалар, мешіттер мен балабақшалар ашылды: қазақстандықтар нені білуі тиіс
Нұр-Сұлтан қаласында азық-түлік салынған 1000 сөмке таратылды
Онлайн-ауызашар: карантин кезінде мешіттер қалай жұмыс істеп жатыр - видео
Имам ораза ұстауға мүмкіндігі жоқ адамдарға кеңес берді
Мешітке 15 минутқа ғана кіруге рұқсат: бас мүфти үндеу жасады
"Суды көбірек ішу керек": бас санитар ораза ұстайтындарды сақтандырды
Қадір түнін үйде қалай өткізу керек – бас имамдар кеңес берді
Кілт сөздер:
Қазақстан мұсылмандары діни басқармасы, мешіттер, ораза айт, айт намазы
Загрузка...

Басты тақырып