НҰР-СҰЛТАН, 15 мамыр – Sputnik. Мемлекет басшысы Қасым-Жомарт Тоқаевтың Facebook әлеуметтік желісінде ресми парақшасы жоқ. Президенттің атынан тіркелген барлық аккаунт жалған. Бұл туралы Тоқаевтың баспасөз хатшысы Берік Уәли мәлімдеді, деп хабарлайды Sputnik Қазақстан.
Берік Уәлиден Facebook-те мемлекет басшысының аккаунты бар ма деп сұраған.
"Президент Қасым-Жомарт Тоқаевтың атынан ашылған жалған аккаунттар мен парақшалар бұған дейін де көп болған. Бола беретін де шығар. Әлеуметтік желілерде ашылып жатқан мұндай фейктерге сенудің қажеті жоқ. Қасым-Жомарт Кемелұлы Твиттерде және Инстаграмда тіркелген. Ал Фейсбукта мемлекет басшысының атынан тіркелген барлық аккаунт пен парақшаларға сенбеуге шақырамын", - деп жазды баспасөз хатшысы.
Айта кетсек, Қазақстан президенті Қасым-Жомарт Тоқаевтың атына ресми тіркелген екі аккаунт қана бар.
Олар: Twitter желісінде 2011 жылдан бері жұмыс істеп келе жатқан - @TokayevKZ.
Алматыдағы бірқатар инфрақұрылымдық және әлеуметтік нысандарды қалпына келтіру жұмысымен таныстым. Әуежайдың жаңа терминалына, көлік жол айырығына, әлеуметтік қызмет көрсету үйіне, сондай-ақ қала тұрғындарының сүйікті орнына айналған жаңартылған ботаника бағына бардым. pic.twitter.com/lAQjxY1ZR0
— Qasym-Jomart Toqayev (@TokayevKZ) May 12, 2020
Екіншісі, 2019 жылдың сәуір айында Instagram-да ашылған @tokayev_online аккаунты.
Посмотреть эту публикацию в Instagram
