Қоғам

Министр зейнетақы қашан және қалай көтерілетінін айтты 

© Sputnik / Сергей Венявский / Медиабанкке өтуПожилые люди покупают продукты на рынке, архивное фото
Пожилые люди покупают продукты на рынке, архивное фото - Sputnik Қазақстан
Жазылу
Мемлекет басшысы кеше өз үндеуінде инфляцияның артуына байланысты зейнетақы, мемлекеттік жәрдемақы және атаулы әлеуметтік көмекті 10 процентке индексациялауды тапсырған болатын

НҰР-СҰЛТАН, 1 сәуір – Sputnik. Еңбек және халықты әлеуметтік қорғау министрі Біржан Нұрымбетов зейнетақыны көтеруге қатысты пікір білдірді, деп хабарлайды Sputnik Қазақстан тілшісі.

"Кеше ел президенті әлеуметтік төлемдердің бәрін жылдық өлшемде 10 процентке индексациялауға тапсырма берді. Ол индексация жасалады. Сөйтіп, зейнетақы, жәрдемақы мен атаулы әлеуметтік көмектің мөлшері 1 сәуірден бастап артады. Бұл жылына – 10 процент. Жылдың басында 5 процентке көбейген, соны ескеріп көтерілетін болады", - деді Нұрымбетов бүгінгі онлайн брифингте. 

Айта кетейік, кешегі үндеуде мемлекет басшысы Қасым-Жомарт Тоқаев инфляцияның артуына байланысты зейнетақы, мемлекеттік жәрдемақы және атаулы әлеуметтік көмекті 10 пайызға индексациялауды тапсырды.

Осыған орай аталған санаттағы азаматтардың табысын арттыру үшін мемлекет тарапынан 200 миллиард теңгеден астам қаражат бөлінеді.

Тағы оқыңыз: Абаев Назарбаевтың қатты сынға алынған шешімі туралы айтты

Президент телеарна арқылы жасаған үндеуінде елде жағдайдың ушыға түскенін ескеріп, азаматтарға одан әрі қолдау көрсету жөнінде қосымша шешімдер қабылдағанын айтқан болатын.

 

Жаңалықтар
0