Қоғам

"Пойызбен барған": Түркістан облысында коронавирус табылған науқас бірнеше қалада болған

© Sputnik / Тимур БатыршинЖелезная дорога
Железная дорога - Sputnik Қазақстан
Жазылу
Нұр-Сұлтан қаласынан Қарағандыға барып, 6 сағаттай сол жерде болған. Содан кейін Петропавл-Қызылорда бағытындағы пойызға отырып, Шымкентке жол тартқан

АЛМАТЫ, 1 сәуір– Sputnik. Түркістан облысында коронавирус анықталған науқас Нұр-Сұлтаннан Шымкентке пойызбен келген, деп хабарлайды Sputnik Қазақстан облыс әкімдігінің баспасөз қызметіне сілтеме жасап.

Жетісай ауданы тұрғынының 27 наурыздан бастап дене қызуы көтерілген. 30 наурызда аудандық орталық аурухананың жұқпалы аурулар бөлімінде қаралған. Нәтижесінде әйелден коронавирус табылды. Белгілі болғандай, науқас Нұр-Сұлтан қаласынан Шымкентке пойызбен келген.

"21 наурызда Нұр-Сұлтан қаласынан Павлодар-Қызылорда бағытындағы пойызбен Қарағандыға барып, 6 сағаттай сол жерде болған. Петропавл-Қызылорда бағытындағы пойызға отырып, Шымкентке келген. Әрі қарай Жетісай қаласына көлікпен жолға шыққан", - делінген ақпаратта.

Науқаспен 16 адам байланыста болған, бес адам Нұр-Сұлтанда, 11 адам Жетісай қаласының тұрғындары. Бұдан бөлек өзге де байланыста болғандар анықталып жатыр.

Ал 1 сәуірде инфекция анықталған төрт науқастың үшеуі Нұр-Сұлтан қаласынан келген әйелмен жақын байланыста болған, ал төртінші науқас Алматы қаласынан келген.

Қазақстанда коронавирустан үшінші адам қайтыс болды 

Айта кетейік, қазір Түркістан облысында коронавирус бес адамнан табылды.

Қазақстан бойынша науқастардың саны 369-ға жетті.

Жаңалықтар
0