НҰР-СҰЛТАН, 20 наурыз — Sputnik. Қазақстанда тағы бес адам коронавирус жұқтырды. Барлығы - 49 адам.
"Қазіргі уақытта елде 49 адам коронавирус жұқтырды. Оның 25-і - астанада, 22-сі - Алматыда және екі адам Қарағандыда тіркелді",- деп хабарлады денсаулық сақтау министрлігі.
Еске сала кетсек, 18 наурыз күні Минск-Нұр-Сұлтан бағытымен келе жатқан ұшақ Қарағанды әуежайына қонған болатын. Борттағы 67 адам бірден карантинге жатқызылды.
Нұр-Сұлтан мен Алматы карантинге жабылды
Мемлекет басшысы Қасым-Жомарт Тоқаевтың шешімімен 16 наурызда елімізде төтенше жағдай жарияланды.
19 наурыздан бастап Нұр-Сұлтан мен Алматы қалаларында коронавирусқа байланысты отыз күндік карантин енгізілді.
Қалалардың айналасында көлік қозғалысын шектейтін бақылау-өткізу пункттері қойылды. Ол жерлерде полицейлер, Ұлттық ұлан қызметкерлері, әскерилер мен дәрігерлер қызмет етіп жатыр.
Тағы оқыңыз: Назарбаев қазақстандықтарға үндеу жасады
22 наурыздан бастап Нұр-Сұлтан мен Алматыға кіруге тыйым салынады. Тамақ жеткізетін жүк көліктеріне ғана кіруге рұқсат етіледі.
