Қоғам

Бүгіннен бастап қарттар үйі мен интернаттарда карантин енгізілді

CC0 / Bernd Schray / Пожилой мужчина, архивное фото
Пожилой мужчина, архивное фото - Sputnik Қазақстан
Жазылу
Елімізде санитарлық-дезинфекциялық шаралар күшейтілуіне байланысты медициналық мекемелерде фото, аудио, видео түсіруге қатаң тыйым салынады

НҰР-СҰЛТАН, 17 наурыз – Sputnik. Қазақстанның барлық медициналық және медициналық-әлеуметтік ұйымында, қарттар үйі мен интернаттарда карантин жарияланды. Бұл туралы денсаулық сақтау министрі Елжан Біртанов мәлімдеді, деп хабарлайды Sputnik Қазақстан тілшісі.  

"Бүгіннен бастап медциналық ұйымдарда, ауруханалар, медициналық-әлеуметтік мекемелер, сонымен қатар интернаттар мен қарттар үйінде карантин енгізіледі. Осыған байланысты бұл мекемелерге тек сол жердің қызметкерлері ғана кіргізіледі. Бөгде адамдар кіре алмайды", - деді Біртанов онлайн брифингте.

Оқи отырыңыз: Нұр-Сұлтанда тағы 14 адамнан коронавирус табылды 

Министр санитарлық-дезинфекциялық шаралар күшейтілгенін атап өтті.

Медициналық мекемелерде фото, аудио, видео түсіруге қатаң тыйым салынады.

Коронавирус эпидемиясы

Соңғы дерек бойынша, Қазақстанда 27 адам коронавирус жұқтырды. Оның 13-і Алматыда, қалған 14-і Нұр-Сұлтан қаласында.

Айта кетсек, індетке шалдыққандар арасында екі жасар сәби де бар. Коронавирустың алдын алу мақсатында елімізде 16 наурыз таңғы сағат 08.00-ден бастап төтенше жағдай режимі жарияланды. Ол 15 сәуір күні таңғы 07.00-ге дейін күшінде болады.

Барлық көпшілік іс-шара тоқтатылды. Мектеп оқушылары 16 наурыздан бастап 5 сәуірге дейін демалысқа жіберілді. Ал студенттер онлайн оқыту жүйесіне көшті.

Ірі сауда орындарының жұмысы шектелді, бірақ азық-түлік дүкендері мен базарлар жұмысын жалғастыра береді.

Ойын-сауық орталықтары, кинотеатрлар, театрлар, көрмелер және жұртшылық көп баратын басқа да орындар уақытша жабылды.

Ел аумағына кіру және шығуға шектеу қойылды.

Жаңалықтар
0