Қоғам

Сабақ болмайды: Тоқаев ата-аналарға ақылы демалыс беруді тапсырды

© Официальный сайт Президента КазахстанаТокаев провел заседание Штаба оперативного реагирования
Токаев провел заседание Штаба оперативного реагирования - Sputnik Қазақстан
Жазылу
Президент Қасым-Жомарт Тоқаев коронавирус қаупіне қатысты елде енгізілген шектеулерге байланысты тапсырма берді

НҰР-СҰЛТАН, 13 наурыз — Sputnik. Мемлекет басшысы Қасым-Жомарт Тоқаев жедел әрекет ету штабының отырысын өткізді, деп хабарлайды Ақорда.

Жиынға Үкімет және бірқатар мемлекеттік органдардың басшылары қатысты.

Мемлекет басшысы үйде балалармен бірге қалуға мәжбүр болатын ата-ананың біреуіне ақылы еңбек демалысын беру жөнінде жұмыс берушілермен жұмыс істеуді тапсырды.

"Үкімет фискалдық механизм арқылы кәсіпорындарды қолдау шараларын қабылдау керек. Қасым-Жомарт Тоқаевтың айтуынша, бюджет қаржысын жұмыспен қамту, шағын және орта бизнесті қолдауға бағыттау керек", -делінген ақпаратта.

Сонымен қатар мемлекет басшысы медицина мекемелері мен азаматтарды дәрі-дәрмекпен қамтамасыз ету мәселесін тез арада шешуді, медицина мекемелерінің дайындығын тексеруді тапсырды.

"Мемлекеттік қызметшілер мен басқа да лауазымды тұлғалардың шетелге іс-сапарға шығуына тыйым салынды. Бұған мемлекеттің қауіпсіздігін қамтамасыз етуге бағытталған сапарлар кірмейді", - делінген ақпаратта.

Президент қысқа мерзім ішінде елдің әлеуметтік-экономикалық даму болжамын және бюджет шығынын қайта қарауды тапсырды. Үкіметке тауарды, жұмыс пен қызметті делдалсыз, отандық өндірушілерден тікелей және ашық түрде сатып алу жүйесіне көшу тапсырылды.

Қазақстанда 13 наурыздан бастап бұқаралық шараларға, соның ішінде мерекелік, спорттық, мәдени-көпшілік шаралар, конференциялар, семинарлар мен көрмелерге тыйым салынды. Ал  мектеп оқушылары 21 наурыздан емес, 16 наурыздан бастап демалысқа шығады. Коронавирус қаупіне байланысты студенттер қашықтан оқуға көшеді.

© SputnikКоронавирусқа байланысты қолданылатын шаралар
Сабақ болмайды: Тоқаев ата-аналарға ақылы демалыс беруді тапсырды - Sputnik Қазақстан
Коронавирусқа байланысты қолданылатын шаралар

 

Жаңалықтар
0