12:09 24 Қазан 2020
Тікелей эфир
  • USD427.91
  • EUR506.90
  • RUB5.60
Қоғам
Қысқа сілтеме алу
1353742

Мәжілістің жалпы отырысында депутат Наринэ Микаелян цифрлық даму, инновациялар және аэроғарыш өнеркәсібі министрлігінің өкіліне қазақ тілінде сұрақ қойды

НҰР-СҰЛТАН, 11 наурыз – Sputnik. Цифрлық даму, инновациялар және аэроғарыш өнеркәсібі вице-министрі Асхат Оразбек қазақ тілінде қойылған сұраққа орысша жауап беремін деп мәжіліс төрағасынан сөз естіді, деп хабарлайды Sputnik Қазақстан тілшісі.

Мәжілістің жалпы отырысында депутат Наринэ Микаелян цифрлық даму, инновациялар және аэроғарыш өнеркәсібі министрлігінің өкіліне қазақ тілінде сұрақ қойды.

Ал вице-министр Асхат Оразбек орыс тілінде жауап қайтарды. Бар қазақшасы "сұрағыңызға рахмет" қана болды. Одан әрі "во-первых, надо сказать...", - деп орысша зуылдай жөнелді.

Шенеуніктің бұл әрекеті мәжіліс спикері Нұрлан Нығматулинге ұнамай қалды.

"Әрине, бізде аударма бар. Осы залда отырған әрбір азаматқа қай тілде сөйлеймін десе жағдай жасалды. Бірақ, құрметті Асхат Елубайұлы, басқа ұлттың азаматы мемлекеттік тілде сұрақ қойып тұрғанда, қазақ тілінде сайрап тұрғанда, сіздің мемлекеттік тілде жауап бермегеніңіз дұрыс емес шығар деп ойлаймын. Соны ойлауымыз керек", - деді ол.

Депутаттар төрағаның сөзінен кейін ду қол шапалақтады.

Тағы оқыңыз: Тоқаев Қордай оқиғасынан кейін дүнген қауымына екі кеңес берді – видео

Наринэ Микаелян 2016 наурызында Қазақстан халқы ассамблеясының атынан мәжіліс депутаты болып сайланды. Заңнама және сот-құқықтық реформа комитетінің мүшесі.

Тақырып бойынша

"Бәрі түсінікті": министрден көңілі қалған Нығматулин қолын бір-ақ сілтеді
"Аллаху әкбар, ақша жоқ!": Нығматулин бәрі керемет деген министрді сөзден ұстады
Нығматулин жұмысына жаңадан кіріскен Нұрлан Әлімжановқа ескерту жасады
"Неге күлесіз?!": Нығматулин министр Атамқұловқа ескерту жасады
"Сілкілеп алыңдар": Нығматулин үкіметке шүйлікті
Кілт сөздер:
шенеунік, орыс тілі, қазақ тілі, Нұрлан Нығматулин
Загрузка...

Басты тақырып