14:37 05 Желтоқсан 2020
Тікелей эфир
  • USD420.79
  • EUR511.98
  • RUB5.67
Қоғам
Қысқа сілтеме алу
72100

Қаңтардағы ақылы тестілеуге барлығы 95 мыңнан астам адам қатысады. Оның құны 2 242 теңге болып бекітілген

НҰР-СҰЛТАН, 16 қаңтар — Sputnik. Ақылы Ұлттық бірыңғай тестілеу бейсенбі, 16 қаңтар күні басталды. 2020 жылдың 20 қаңтарына дейін жалғасады.

Ұлттық тестілеу орталығының мәліметіне сәйкес, тестілеуге қатысуға 95 мың адамнан өтініш түскен. Сынақ қорытындысы бойынша жоғары оқу орындарына ақылы түрде түсуге болады.

Мұндай тестілеу жылына төрт рет: қаңтар, наурыз, маусым және тамыз айларында өтеді. Құны – 2 242 теңге. Ал грантқа түсемін деушілер ҰБТ-ны маусым айында тапсыруы тиіс.

Қаңтардағы ҰБТ қалай өтеді

Емтихан тапсыруға арналған 99 пункт бар. Түлектерге 820 дәрісхана ұсынылады. Ол жерде ұялы байланыс болмайды. Бейнебақылау камералары орнатылған. Жемқорлықтың алдын алу үшін әр аудиториядан онлайн-трансляция жүргізіледі. Тәуелсіз бақылаушы ретінде арнайы мониторингтік топтардың мүшелері шақырылады.

Түлектердің жауаптарды көшіруі сынды жайттарды Digital agent қосымшасы арқылы онлайн режимінде хабарлауға болады.

Старт ЕНТ 2019
© Sputnik / Абзал Калиев
Тестілеу тапсыратын орындарда бейнебақылау камералары орнатылып, онлайн-трансляция жүргізіледі

ҰБТ өткізу жөніндегі мемлекеттік комиссиялар құрылған. Оның құрамына облыс, қала әкімдігінің қызметкерлері, құқық қорғау органдары, қоғамдық ұйым мен бұқаралық ақпарат құралдарының өкілдері енген.

Қажеттілік туындаған жағдайда қатысушыларға жеке көмекші, сурдоаудармашы қызметі ұсынылады.

Қанша балл жинау керек

Ұлттық ЖОО-ға түсу үшін тестілеу қорытындысы бойынша 65 ұпайдан аз жинамау керек. "Педагогика ғылымдары", "Ауыл шаруашылығы және биоресурстар", "Ветеринария" бойынша – 60 балл және өзге оқу орындарына түсу үшін 50 ұпайдан кем болмауы керек.

"Денсаулық сақтау және әлеуметтік қамсыздандыру (медицина)" бойынша кем дегенде 65 балл. Оның ішінде Қазақстан тарихынан, математикалық сауаттылық пен оқу сауаттылығынан 5 ұпайдан кем болмауы тиіс. Әрбір профильдік пән бойынша да 5 ұпайдан аз жинамау керек.

 

Тақырып бойынша

"Құпия емес": сарыағаштық түлек ҰБТ-да 140 ұпайды қалай жинағанын айтты
Білім министрлігі жаңа ереже дайындап жатыр: кімдер ҰБТ-дан босатылады
Министр ҰБТ-ға қандай жаңашылдық енгізілетінін айтты
Білім гранттарын жеңілдікпен алатындардың саны жарияланды
Аттестат ұпайы ескеріледі – білім гранты биыл қалай тағайындалады?
Кілт сөздер:
Ұлттық бірыңғай тестілеу, тест, ҰБТ, Қазақстан
Загрузка...

Басты тақырып