НҰР-СҰЛТАН, 10 қазан – Sputnik. Сыбайлас жемқорлыққа қарсы іс-қимыл агенттігі мұғалімдер арасында түсіндіру жұмыстарын бастады. Бүгін астанада арнайы жиын өтіп, сол жерде білім саласындағы жемқорлардың толық тізімі жарияланды, деп хабарлайды Sputnik Қазақстан тілшісі.
Тағы оқыңыз: Бұрынғы вице-министр Суханбердиеваның ісіне қатысты қосымша деректер шықты
Жиналыс кезінде астаналық мұғалімдерге арнайы бейнеролик көрсетілді. Онда білім саласындағы жемқорлардың істеріне шолу жасалады. Роликтің басында бұрынғы білім және ғылым вице-министрі Эльмира Суханбердиева мен №3 мектеп гимназиясының бұрынғы директоры Елена Шеверняеваның ісі жайында айтылады. Одан кейін "Кәсіпқор"холдингінің басқарма төрағасы Елдана Сәдуақасованың қылмысы баяндалған. Ол өндірістік құрал-жабдықтарға бөлінген 2,4 миллион АҚШ долларын жымқырып кеткен. Бұдан бөлек, Ақтөбе, Маңғыстау, Қарағанды, Шығыс Қазақстан мен Алматы облыстарында болған жемқорлық әрекеттердің толық тізімі жасалыпты. Соның барлығы видеода көрсетілген.
